住家版 - 乾炒牛河

乾炒牛河係一款令人百食不厭嘅碟頭餐之一, 加一罐超級冰涷嘅Cola真係超爽, 超讚!!!

材料 : 牛肉 / 河粉 / 芽菜 / 洋蔥 / 蔥

牛肉醃料 : 水 / 砂糖 / 生抽 / 胡椒粉 / 蒜頭粉 / 蠔油 / 酒 / 生粉

調味料 : 生抽 / 老抽 / 鹽 / 麻油

牛肉洗乾淨用筲簊隔水 / 切牛肉前再用廚房紙巾將水印乾 / 牛肉切薄片

牛肉先加入適量嘅水同砂糖撈勻醃10分鐘 / 之後加入其餘嘅牛肉醃料撈勻

芽菜 / 洋蔥 / 蔥洗乾淨切絲

河粉 - 用手盡量將河粉分開一條條

炒牛河前先將牛肉煎至八成熟備用

鑊加熱後倒入適量嘅油 

&

加入芽菜 / 洋蔥 / 蔥 / 灑入適量鹽花炒勻

加入河粉炒勻

加入適量生抽 / 老抽 / 鹽花炒勻

最後加入牛肉炒勻 / 將粉炒至乾身上碟前再加入適量麻油炒勻

住家版乾炒牛河 - 要求唔可以過高呀>_<

P.S. 由於係住家版所以河粉炒前可擺入微波爐加熱三分鐘, 否則將河粉炒爛晒D粉都未熱呀!