牛肉醃料 : 水 / 砂糖 / 生抽 / 胡椒粉 / 蒜頭粉 / 蠔油 / 酒 / 生粉
調味料 : 蠔油 / 鹽 / 砂糖 / 麻油
牛肉洗乾淨用筲簊隔水 / 切牛肉前再用廚房紙巾將水印乾 / 牛肉切薄片
牛肉先加入適量嘅水同砂糖撈勻醃10分鐘 / 之後加入其餘嘅牛肉醃料撈勻
涼瓜洗乾淨切片 - 如果怕苦嘅腦友記可以用適量嘅鹽將苦瓜醃半粒鐘, 再將苦瓜沖洗乾淨用筲簊隔水, (亞太因為中意苦瓜嘅苦味所以唔會落鹽醃苦瓜), 當然隨個人嘅口味喜好.
蒜頭豆豉洗乾淨剁碎 / 薑洗淨切片
白鑊加熱放入薑片
薑片轉微黃色後加入苦瓜 / 適量鹽花
將苦瓜炒至軟身上碟備用
鑊燒熱後倒入適量嘅油稍為再加熱
放入牛肉後唔好炒先將一邊煎至微黃色
當牛肉煎至微黃色時係鑊嘅中心位放入剁碎蒜頭豆豉
加入剁碎蒜頭豆豉後將另一邊牛肉反轉煎
牛肉煎至大約七成熟時加入苦瓜炒勻
加入適量蠔油 / 砂糖炒勻
蓋上鑊蓋焗一分鐘 / 之後加入適量麻油撈勻就可上碟
呢個係亞太同狂躁先生嘅至愛餸菜其中一款
沒有留言:
張貼留言