亞太祝各位親戚朋友中秋節快樂
2016年9月15日 星期四
2016年4月30日 星期六
第七次與Midwife見面
日期 : 2016年4月8號
4月8號係亞太第七次同Midwife見面, 小猴B已經有37 Weeks 4 Days喇!!! 係未檢查之前Midwife都好緊張問亞太有關30號照超聲波嘅報告, 亞太同Midwife交代有關報告一切都回復正常, Midwife知道一切回復正常後就開始幫亞太檢查.
一般例行檢查後亞太又可以聽小猴B悅耳嘅心跳聲, 呢種悅耳嘅心跳聲真係令亞太百聽不厭, Midwife同亞太講呢次應該會係最後一次檢查, 下次再見面嘅時候應該會家訪亞太, 到時小猴B已經出世喇!
嘩!!! Midwife係米咁勁呀!!! 預知未來@_@, 亞太嘅預產期係4月23號, Midwife都比左個Booking亞太係4月29號 09:30. 亞太同Midwife講都已經過左預產期喇! 到時小猴B可能已經係亞太嘅懷中喇! Midwife話有孕婦試過遲左成個星期先生產.
Midwife同亞太講如果過左4月23號小猴B都未出世, 29號就要番兒童中心同Midwife見面, 到時佢就會盡快幫亞太安排入醫院催生, 不過Midwife同亞太講小猴B會準時, 吓!!! Midwife真係咁勁好亞太就拭目以待>_<
4月8號係亞太第七次同Midwife見面, 小猴B已經有37 Weeks 4 Days喇!!! 係未檢查之前Midwife都好緊張問亞太有關30號照超聲波嘅報告, 亞太同Midwife交代有關報告一切都回復正常, Midwife知道一切回復正常後就開始幫亞太檢查.
一般例行檢查後亞太又可以聽小猴B悅耳嘅心跳聲, 呢種悅耳嘅心跳聲真係令亞太百聽不厭, Midwife同亞太講呢次應該會係最後一次檢查, 下次再見面嘅時候應該會家訪亞太, 到時小猴B已經出世喇!
嘩!!! Midwife係米咁勁呀!!! 預知未來@_@, 亞太嘅預產期係4月23號, Midwife都比左個Booking亞太係4月29號 09:30. 亞太同Midwife講都已經過左預產期喇! 到時小猴B可能已經係亞太嘅懷中喇! Midwife話有孕婦試過遲左成個星期先生產.
Midwife同亞太講如果過左4月23號小猴B都未出世, 29號就要番兒童中心同Midwife見面, 到時佢就會盡快幫亞太安排入醫院催生, 不過Midwife同亞太講小猴B會準時, 吓!!! Midwife真係咁勁好亞太就拭目以待>_<
第四次與小猴B見面
日期 : 2016年3月30號
3月30號亞太準時又番大醫院照第四次超聲波, 今次為亞太照超聲波嘅護士姐姐睇落比較年紀大, 拿! 拿! 拿! 亞太其實唔係年齡歧視只係想講佢應該比較資深, 護士姐姐好詳細幫亞太照超聲波, 照完後護士姐姐就安排亞太等見顧問醫生.
狂躁先生因為要番工時間唔可以配合陪亞太去醫院照超聲波, 其實有冇老公係隔離都唔緊要喇!!! 因為亞太已經做好心理準備今胎要剖腹生產, 其實都好呀因為可以同醫生提出做埋結紮手術, 拆鬼埋亞太條生產線米冇煩惱囉!!!
亞太坐左一陣就被安排見顧問醫生, 醫生首先叫護士姐姐幫我做一D簡單檢查, 驗尿, 量血壓, 抽血等等, 之後顧問醫生就同亞太講番有關超聲波嘅報告, 結果竟然係一切回復正常, 胎盤位置回復正常, 小猴B個頭仔已經掉番向下腳仔向上.
一切又好似嚟得太突然亞太都半信半疑, 加上亞太已經做好心理準備剖腹生產, 又一廂情願搭單要求醫生幫亞太拆鬼埋條生產線(結紮手術), 家陣聽見話可以自然生產反而多左一份失落感, 亞太不厭其煩重複, 重複又重複咁問顧問醫生, 係米100個巴仙肯定亞太可以自然生產??? 顧問醫生用肯定嘅語氣回答亞太, 從超聲波嘅報告一切都已經回復正常.
既然顧問醫生都肯定亞太可以自然生產, 咁亞太唯有乖乖咁迎接我個小猴B誕生, 拿! 拿! 拿! 又一次証明有好多人同事都唔係自己嘅能力控制範圍內, 只要態度正面積極往往就會有意想不到嘅結果, 所以當大家遇到煩惱嘅時候, 頭痛煩惱一天就足夠喇>_<
3月30號亞太準時又番大醫院照第四次超聲波, 今次為亞太照超聲波嘅護士姐姐睇落比較年紀大, 拿! 拿! 拿! 亞太其實唔係年齡歧視只係想講佢應該比較資深, 護士姐姐好詳細幫亞太照超聲波, 照完後護士姐姐就安排亞太等見顧問醫生.
狂躁先生因為要番工時間唔可以配合陪亞太去醫院照超聲波, 其實有冇老公係隔離都唔緊要喇!!! 因為亞太已經做好心理準備今胎要剖腹生產, 其實都好呀因為可以同醫生提出做埋結紮手術, 拆鬼埋亞太條生產線米冇煩惱囉!!!
亞太坐左一陣就被安排見顧問醫生, 醫生首先叫護士姐姐幫我做一D簡單檢查, 驗尿, 量血壓, 抽血等等, 之後顧問醫生就同亞太講番有關超聲波嘅報告, 結果竟然係一切回復正常, 胎盤位置回復正常, 小猴B個頭仔已經掉番向下腳仔向上.
一切又好似嚟得太突然亞太都半信半疑, 加上亞太已經做好心理準備剖腹生產, 又一廂情願搭單要求醫生幫亞太拆鬼埋條生產線(結紮手術), 家陣聽見話可以自然生產反而多左一份失落感, 亞太不厭其煩重複, 重複又重複咁問顧問醫生, 係米100個巴仙肯定亞太可以自然生產??? 顧問醫生用肯定嘅語氣回答亞太, 從超聲波嘅報告一切都已經回復正常.
既然顧問醫生都肯定亞太可以自然生產, 咁亞太唯有乖乖咁迎接我個小猴B誕生, 拿! 拿! 拿! 又一次証明有好多人同事都唔係自己嘅能力控制範圍內, 只要態度正面積極往往就會有意想不到嘅結果, 所以當大家遇到煩惱嘅時候, 頭痛煩惱一天就足夠喇>_<
2016年4月20日 星期三
祝賀叔仔&嬸仔弄瓦之喜
亞太個叔仔&嬸仔個"小猴B女"係3月14號已經出左世喇!!! 小美人樣子精靈活潑體重8磅多, 亞太伯娘祝小美人身體健康, 快高長大, 聰明伶俐!!!
狂躁之家亦都衷心祝賀叔仔&嬸仔弄瓦之喜!!!
小美人可能知道嫲嫲要出門遠遊大不列顛, 所以係嫲嫲上機前三日就跑出嚟同嫲嫲相見, 小美人真乖巧亦還左奶奶心願, 可以見到小美人後先到訪大不列顛狂躁之家, 小美人妳真係抵鍚>_<
狂躁之家亦都衷心祝賀叔仔&嬸仔弄瓦之喜!!!
小美人可能知道嫲嫲要出門遠遊大不列顛, 所以係嫲嫲上機前三日就跑出嚟同嫲嫲相見, 小美人真乖巧亦還左奶奶心願, 可以見到小美人後先到訪大不列顛狂躁之家, 小美人妳真係抵鍚>_<
救星到
亞太自懷有小猴B後都有一定嘅擔心, 除左因為自己已屬高齡產婦外, 最主要嘅原因係亞太嘅生產時間一次比一次快, 如果小猴B突然要跑出嚟狂躁先生又番梗工咁點算呢??? 即時通知狂躁先生佢揸車番屋企交通順利都要20分鐘時間, 20分鐘小猴B可能已經係屋企出左世, 亞太又冇理由帶住狂躁姊弟團操兵一樣咁去醫院生產.
雖然亞太今次胎盤位置比較低有可能需要剖腹生產, 不過自然生產或剖腹生產始終都要有人看守狂躁姊弟團, 亞太前世唔知做左乜嘢好事, 今世除左嫁到一個好老公之外仲有一個貼心嘅奶奶.
奶奶原本想等叔仔&嬏仔個小猴B女出世後, 係四月中先到訪大不列顛狂躁之家, 不過當奶奶知道亞太嘅情形後, 都將計劃提早係3月17號已經抵達狂躁之家, 亞太真係好感謝奶奶嘅義務幫忙, 奶奶已經到訪狂躁之家一個月喇!!!
亞太好開心享受過去每一日同奶奶嘅相處時間, 生命無常加上奶奶都有一定嘅年紀, 能相見相處就要好好珍惜感恩, 因為妳/你永遠都唔會知道幾時會失去相見相處嘅機會, 當妳/你擁有嘅時候就要好好珍惜, 唔好畀自己錯失機會有遺憾.
亞太嘅人生可能已經過左一半, 從來亞太都唔奢望祈求大富大貴, 我只希望能做到積極正面活在當下, 即使係"清茶淡飯"嘅平凡生活都心滿意足, 亞太唔係神當然亦有貪念之心, 亞太最貪念嘅事係衷心祝願家中兩老(奶奶&亞太個亞爹)家身體健康.
雖然亞太今次胎盤位置比較低有可能需要剖腹生產, 不過自然生產或剖腹生產始終都要有人看守狂躁姊弟團, 亞太前世唔知做左乜嘢好事, 今世除左嫁到一個好老公之外仲有一個貼心嘅奶奶.
奶奶原本想等叔仔&嬏仔個小猴B女出世後, 係四月中先到訪大不列顛狂躁之家, 不過當奶奶知道亞太嘅情形後, 都將計劃提早係3月17號已經抵達狂躁之家, 亞太真係好感謝奶奶嘅義務幫忙, 奶奶已經到訪狂躁之家一個月喇!!!
亞太好開心享受過去每一日同奶奶嘅相處時間, 生命無常加上奶奶都有一定嘅年紀, 能相見相處就要好好珍惜感恩, 因為妳/你永遠都唔會知道幾時會失去相見相處嘅機會, 當妳/你擁有嘅時候就要好好珍惜, 唔好畀自己錯失機會有遺憾.
亞太嘅人生可能已經過左一半, 從來亞太都唔奢望祈求大富大貴, 我只希望能做到積極正面活在當下, 即使係"清茶淡飯"嘅平凡生活都心滿意足, 亞太唔係神當然亦有貪念之心, 亞太最貪念嘅事係衷心祝願家中兩老(奶奶&亞太個亞爹)家身體健康.
2016年4月19日 星期二
家常便飯 @18/04/2016
是日狂躁之家的家常便飯 :
亞太靚湯 - 蓮藕紅蘿蔔煲豬骨
呢味焗排骨係狂躁之家嘅大熱餸菜之一
小公主同撥Boot豬要求要食嘅餸
蓮藕冬菇蠔士燜豬脷 - (此蓮藕係煲過湯)
蒜片油鹽水焯菠菜
海鹽黑椒焗排骨
第六次與Midwife見面
日期 : 2016年3月16號
3月16號又係亞太同Midwife例行檢查見面嘅時間, 小猴B有35 Weeks 3 Days, 不過Midwife話小猴B個頭仔掉番向上腳仔向下, 吓!!! 上次Midwife同亞太檢查嘅時候, 明明同亞太講小猴B開始將頭仔掉向下, 點解突然由掉番向上呀???
怪唔得亞太近排覺得小猴B郁手郁腳嘅時候感覺好似就快要出嚟一樣, 原來佢對腳仔而家向下, 亞太都同Midwife交代3月8號入過Triage做檢查, Midwife話小猴B個頭仔掉番向上, 所以要再安排亞太去醫院照超聲波.
不過亞太同Midwife講3月30號將會第四次照超聲波, Midwife聽見後都覺得時間可以接受, Midwife同亞太講照超聲波當日一定會有顧問醫生同亞太見面, 如果到時小猴B個胎盤位置冇變, 再加上頭仔向上腳仔向下嘅話, 亞太就唔可以自然生產一定要剖腹生產喇!!!
當日顧問醫生就會即時決定剖腹生產嘅日期同時間, 亞太問Midwife如果真係要剖腹生產, 可唔可以同顧問醫生要求做埋結紮手術, Midwife同亞太講可以提出要求, 可唔可以做埋結紮手術就要等顧問醫生決定.
老蚌生珠果然係問題多多亞太亦都唔擔心得太多, 只能夠乖乖耐心等照第四次超聲波喇!!! Midwife都叫亞太唔好諗咁多因為佢又準備同亞太檢查同聽小猴B嘅心跳, 小猴B除左個頭仔掉番向上腳仔向下外, 其餘都一切健康正常, 至於亞太方面講嚟講去都係果三幅屁囉, 血壓依然偏低呀真激C人呀!!!
亞太聽完小猴B嘅悅耳心跳聲後, 又懷住感恩滿足嘅心情離開兒童中心, 無論係自然生產定剖腹生產都唔係亞太嘅能力控制範圍內, 亞太相信老天爺會為亞太作出最好嘅安排.
3月16號又係亞太同Midwife例行檢查見面嘅時間, 小猴B有35 Weeks 3 Days, 不過Midwife話小猴B個頭仔掉番向上腳仔向下, 吓!!! 上次Midwife同亞太檢查嘅時候, 明明同亞太講小猴B開始將頭仔掉向下, 點解突然由掉番向上呀???
怪唔得亞太近排覺得小猴B郁手郁腳嘅時候感覺好似就快要出嚟一樣, 原來佢對腳仔而家向下, 亞太都同Midwife交代3月8號入過Triage做檢查, Midwife話小猴B個頭仔掉番向上, 所以要再安排亞太去醫院照超聲波.
不過亞太同Midwife講3月30號將會第四次照超聲波, Midwife聽見後都覺得時間可以接受, Midwife同亞太講照超聲波當日一定會有顧問醫生同亞太見面, 如果到時小猴B個胎盤位置冇變, 再加上頭仔向上腳仔向下嘅話, 亞太就唔可以自然生產一定要剖腹生產喇!!!
當日顧問醫生就會即時決定剖腹生產嘅日期同時間, 亞太問Midwife如果真係要剖腹生產, 可唔可以同顧問醫生要求做埋結紮手術, Midwife同亞太講可以提出要求, 可唔可以做埋結紮手術就要等顧問醫生決定.
老蚌生珠果然係問題多多亞太亦都唔擔心得太多, 只能夠乖乖耐心等照第四次超聲波喇!!! Midwife都叫亞太唔好諗咁多因為佢又準備同亞太檢查同聽小猴B嘅心跳, 小猴B除左個頭仔掉番向上腳仔向下外, 其餘都一切健康正常, 至於亞太方面講嚟講去都係果三幅屁囉, 血壓依然偏低呀真激C人呀!!!
亞太聽完小猴B嘅悅耳心跳聲後, 又懷住感恩滿足嘅心情離開兒童中心, 無論係自然生產定剖腹生產都唔係亞太嘅能力控制範圍內, 亞太相信老天爺會為亞太作出最好嘅安排.
驚險檢查@08/03/2016
已經有好幾日嘅感覺每次小猴B踢亞太, 亞太就覺得好肚痛, 而且感到小猴B就快要走出嚟咁, 係三月八號亞太一整日都覺得好唔自在, 下半身又覺得畀小猴B墜到好辛苦, 而且覺得下陰嘅肌肉好腫脹, 所以當日亞太都唔敢四圍走, 接左放學後亞太就揸車送撥Boot豬學跳舞.
因為亞太唔想兩頭騰所以就同小公主&小龍B, 留係跳舞學校等撥Boot豬跳完舞就番屋企, 亞太幫撥Boot豬換完衫後佢同亞太講想VV, 咁亞太就帶撥Boot豬去廁所順便亞太都想去, 當亞太去完VV後感覺到有D唔妥, 所以就即刻番屋企打電話畀Midwife求救.
不過當時已經過左17:00辦公時間, 所以亞太唯有打去婦產科另一個部門Triage, Triage呢個部門基本上24小時都有Midwife接聽電話, 電話被接通後亞太就ba la... ba la...機關槍式咁一口氣講晒自己有乜唔妥.
因為亞太冇出血見紅, 冇陣痛穿胎水現象出現, 所以Midwife都覺得問題唔大, 不過後尾Midwife知道亞太胎盤位置比較低, 加上過去生產三胎嘅超快時間, 為左安全起見Midwife都邀請亞太到醫院檢查.
原本正在工作嘅狂躁先生都畀亞太急Call番屋企照顧狂躁姊弟, 大約18:00亞太就去Triage呢個部門見Midwife, Midwife好詳細幫亞太檢查, 各方面嘅檢查都可以不過亞太嘅血壓依然係偏低, 跟住亞太就被安排用一個儀器監察腹中嘅小猴B活動情況.
Midwife幫亞太接駁好儀器後就將一個小型嘅按鈕交到亞太手中, 之後就同亞太交代整個測試需時大約30-40分鐘, 每當亞太感覺小猴B有郁動嘅時候, 亞太要即時按手上嘅紅色按鈕, Midwife離開後亞太原本想影張相, 不過又怕影響儀器嘅數據最後當然冇影相喇!!!
終於完成40分鍾嘅監察測試, Midwife從儀器嘔出嘅一份數據報告顯示, 小猴B嘅心跳活動力一切都屬正常, 至於點解亞太會覺得畀小猴B墜到好辛苦, 而且覺得下陰嘅肌肉好腫脹, 就需要由醫生再作檢查決定.
Midwife請亞太耐心等候見醫生, 結果亞太係醫院發呆接近兩粒鐘終於有醫生接見亞太喇!!! 醫生幫亞太詳細檢查後認為小猴B各方面都好正常, 至於好墜嘅感覺同下陰嘅肌肉腫脹原因, 當然係因為亞太個胎盤處於一個偏低嘅位置.
醫生話暫時冇任何嘢可以幫到亞太, 只提醒亞太唔好過份操勞多加休息, 同時要留意有冇出血嘅現象, 當然覺得有乜唔妥就要即刻搵Midwife, 家庭醫生或Triage呢個部門, 經Midwife同醫生詳細檢查後, 亞太得知小猴B一切都正常健康都鬆左一口氣.
晚上21:15終於都可以離開Triage呢個部門番屋企喇!!! 係步行去攞車嘅途中亞太同腹中嘅小猴B講 : 乖仔你要乖乖唔好再嚇你亞娘我喇!!!
因為亞太唔想兩頭騰所以就同小公主&小龍B, 留係跳舞學校等撥Boot豬跳完舞就番屋企, 亞太幫撥Boot豬換完衫後佢同亞太講想VV, 咁亞太就帶撥Boot豬去廁所順便亞太都想去, 當亞太去完VV後感覺到有D唔妥, 所以就即刻番屋企打電話畀Midwife求救.
不過當時已經過左17:00辦公時間, 所以亞太唯有打去婦產科另一個部門Triage, Triage呢個部門基本上24小時都有Midwife接聽電話, 電話被接通後亞太就ba la... ba la...機關槍式咁一口氣講晒自己有乜唔妥.
因為亞太冇出血見紅, 冇陣痛穿胎水現象出現, 所以Midwife都覺得問題唔大, 不過後尾Midwife知道亞太胎盤位置比較低, 加上過去生產三胎嘅超快時間, 為左安全起見Midwife都邀請亞太到醫院檢查.
原本正在工作嘅狂躁先生都畀亞太急Call番屋企照顧狂躁姊弟, 大約18:00亞太就去Triage呢個部門見Midwife, Midwife好詳細幫亞太檢查, 各方面嘅檢查都可以不過亞太嘅血壓依然係偏低, 跟住亞太就被安排用一個儀器監察腹中嘅小猴B活動情況.
Midwife幫亞太接駁好儀器後就將一個小型嘅按鈕交到亞太手中, 之後就同亞太交代整個測試需時大約30-40分鐘, 每當亞太感覺小猴B有郁動嘅時候, 亞太要即時按手上嘅紅色按鈕, Midwife離開後亞太原本想影張相, 不過又怕影響儀器嘅數據最後當然冇影相喇!!!
終於完成40分鍾嘅監察測試, Midwife從儀器嘔出嘅一份數據報告顯示, 小猴B嘅心跳活動力一切都屬正常, 至於點解亞太會覺得畀小猴B墜到好辛苦, 而且覺得下陰嘅肌肉好腫脹, 就需要由醫生再作檢查決定.
Midwife請亞太耐心等候見醫生, 結果亞太係醫院發呆接近兩粒鐘終於有醫生接見亞太喇!!! 醫生幫亞太詳細檢查後認為小猴B各方面都好正常, 至於好墜嘅感覺同下陰嘅肌肉腫脹原因, 當然係因為亞太個胎盤處於一個偏低嘅位置.
醫生話暫時冇任何嘢可以幫到亞太, 只提醒亞太唔好過份操勞多加休息, 同時要留意有冇出血嘅現象, 當然覺得有乜唔妥就要即刻搵Midwife, 家庭醫生或Triage呢個部門, 經Midwife同醫生詳細檢查後, 亞太得知小猴B一切都正常健康都鬆左一口氣.
晚上21:15終於都可以離開Triage呢個部門番屋企喇!!! 係步行去攞車嘅途中亞太同腹中嘅小猴B講 : 乖仔你要乖乖唔好再嚇你亞娘我喇!!!
港聞一則道出亞太經歷
好友F自婚後一直同老公努力希望能得一個寶寶, 可惜經過多年努力依然期待佳音中, 亞太同狂躁先生嘅共識係不論生仔或女總之兩個就夠晒數, 承蒙老天爺嘅厚愛同眷顧竟賜予兩個"好字"畀狂躁先生同亞太, 我倆只有感恩!!! 感恩!!! 同感恩!!!
有條"口痕友"佢當然同亞太份屬超老友喇!!! 我倆感情比親生兄妹仲要好, 我倆同住一村亞太住上村佢住下村, 自小我倆就一齊就讀同一間幼稚園, 小學, 中學, 相識超過35個年頭, 亞太呢個"口痕友"哎呀亞哥曾經問過亞太一條問題???
問題係 : 亞太妳究竟識唔識避孕呢??? 妳係10年內竟然出現五次懷孕紀錄!!!
大家米檔亞太係超級低能白痴先得呀!!! 亞太唔係果種天真無知少女, 如果冇做安全設施我諗唔止出現5次懷孕紀錄囉, XYZ... XYZ... 雖知坊間有好多種避孕方法, 但係唔係每種避孕方法都適合自己嘅身體.
亞太個人認為唔同另一半happy米係最佳嘅避孕方法囉, (知! 知! 知! 亞太講廢話嗎), 有頭髮邊個想做個禿頭呀!!! 大不列顛嘅醫療服務普遍可以提供以下避孕方法.
(1)結紮手術 - 米以為妳想紮醫生就會幫妳紮呀!!! 當日亞太生完撥Boot豬去家庭醫生到要求安排做結紮手術, 醫生嘅回答係 : 亞乜太妳只得30幾歲, 而且只係得兩個女我哋暫時係唔會幫妳做結紮手術呀!!! 由於經濟唔好近年大不列顛政府樣樣都緊縮開支, 講真做一個結紮手術嘅成本都唔少, 所以家陣要做結紮手術嘅排期時間可媲美港人申請輪侯公屋一樣.
(2)子宮環 - 此避孕方法每隔五年需要取出更換一次, 期間仲要定期進行維修保養, (即定時要番診所或醫院檢查), 某部份人試過子宮環係體內出現爆裂情況.
(3)亞太唔識點樣翻譯為中文 - 但可以詳細形容一下將一支幼如針嘅物體藉入手臂嘅內則, 每隔三年需要取出更換一次, 而最麻Q煩係要隨身攜帶一張証明卡, 証明體內藉入左某東東嘅避孕物體, 因為此東東嘅避孕物體好容易引起保安系統誤鳴, 特別係乘搭飛機如果唔可以出示此卡証明肯定唔可能上機呀!!! 除此之外某部份人選擇呢個乜東東嘅避孕方法後, 引起手臂內則嘅皮膚痕癢紅腫.
(4)避孕針 - 可選擇每月打一次或三個月打一次, 某部份人選擇此避孕方法後"M小姐"嘅探訪時間接近3個星期.
(5)口服避孕藥 - 呢個超方便簡單, 不過某部份人選擇呢個避孕方法後, 出現暈眩, 嘔吐, 發冷, 發熱等現象.
雖有五花八門嘅避孕方法, 但係唔係每個方法都適合自己嘅身體當中有利有弊, 係亞太未公開用乜方法避孕前又同大家講下故仔喇>_<
亞太讀完書啱啱出嚟做嘢冇耐, 某日係公司突然肚痛仲暈左添, 嚇到D同事半死差D要打3條九將亞太送去醫院, 後尾經過多過婦科醫生診斷, 證實亞太個卵巢有一個如西柚咁大嘅腫瘤, 由於當時嘅腫瘤超大唔適宜留係體內, 加上當時唔可能確定腫瘤屬於良性或惡性, 唯一嘅辦法要盡快將個腫瘤切除再進行化驗.
當年亞太個亞爹都好擔心亞太有事, 所以叫醫生盡快為亞太安排到私家醫院進行切除手術, 謝過老天爺那個超大嘅腫瘤屬於良性, 至於個腫瘤醫學名亞太都唔記得喇! 雖然腫瘤屬良性但係醫生話有機會會番發, 建議亞太服食避孕藥控制荷爾蒙減低番發嘅機會, 而且每年都需要做一個詳細嘅婦科檢驗.
亞太當年做此切割手術只有19歲, 到亞太決定要小朋友前一年停止服用避孕藥, 計下條數亞太服食避孕藥接近10個年頭, 所以當年嘅婦科醫生建議亞太生左小朋友後就要選擇其他避孕方法, 小公主出世後亞太就煩惱究竟選擇用乜方法避孕呢???
因狂躁先生同亞太一早就有共識要兩個小朋友, 所以絕對冇可能選擇結紮手術此辦法喇, 狂躁先生又唔想亞太用子宮環同果個乜東東嘅避孕方法, 老公話要攞出攞入又要定期維修保養, 仲要攞張証明卡隨身攜帶咁Q煩, 最主要嘅原因係怕會傷亞太個身體.
所以當年狂躁先生做左一個好偉大, 而又唔會傷亞太身體嘅決定, 就係由佢個人負責使用安全套, 呢個避孕方法一用又10個年頭喇!!!
大家可能會問亞太點解生左小龍B之後唔去做結紮手術呢??? 查實小龍B出世後三個月亞太又走去家庭醫生到要求安排做結紮手術, 當時家庭醫生嘅回應係 : 亞乜太妳家陣又餵梗"母乳"手術又有麻醉藥, 而且連"M小姐"都未回復正常暫時係唔可以做結紮手術呀!!!
當妳嘅"M小姐"回復正常,又停止餵"母乳"後, 到時妳再嚟我哋就會同妳安排有關結紮手術事宜, 既然家庭醫生咁講亞太唯有乖乖咁離開喇@_@, "奶媽"呢份工作亞太真係做得好好, 有源源不絕嘅奶水供應畀小龍B, 而小龍B就好似中左毒一樣, 冇亞太牌奶奶食就會瞓唔著.
曾經努力嘗試幫小龍B戒奶結果當然係唔成功喇!!! 晚晚半夜喊到拆天叫老公同兩個家姐點瞓, 第二朝仲要番工番學, 所以狂躁先生都買小龍B怕, 就同亞太講既然妳仲有奶就繼續餵喇!!! 結果小龍B食"母乳"食到差唔多3歲, (仲爭10日就3歲), 因為亞太懷有小猴B所以停止"母乳"生產, 又奇怪當"母乳"停止生產後, 小龍B就冇再彆亞太要食奶奶喇!!!
亞太個人認為唔同另一半happy米係最佳嘅避孕方法囉, (知! 知! 知! 亞太講廢話嗎), 有頭髮邊個想做個禿頭呀!!! 大不列顛嘅醫療服務普遍可以提供以下避孕方法.
(1)結紮手術 - 米以為妳想紮醫生就會幫妳紮呀!!! 當日亞太生完撥Boot豬去家庭醫生到要求安排做結紮手術, 醫生嘅回答係 : 亞乜太妳只得30幾歲, 而且只係得兩個女我哋暫時係唔會幫妳做結紮手術呀!!! 由於經濟唔好近年大不列顛政府樣樣都緊縮開支, 講真做一個結紮手術嘅成本都唔少, 所以家陣要做結紮手術嘅排期時間可媲美港人申請輪侯公屋一樣.
(2)子宮環 - 此避孕方法每隔五年需要取出更換一次, 期間仲要定期進行維修保養, (即定時要番診所或醫院檢查), 某部份人試過子宮環係體內出現爆裂情況.
(3)亞太唔識點樣翻譯為中文 - 但可以詳細形容一下將一支幼如針嘅物體藉入手臂嘅內則, 每隔三年需要取出更換一次, 而最麻Q煩係要隨身攜帶一張証明卡, 証明體內藉入左某東東嘅避孕物體, 因為此東東嘅避孕物體好容易引起保安系統誤鳴, 特別係乘搭飛機如果唔可以出示此卡証明肯定唔可能上機呀!!! 除此之外某部份人選擇呢個乜東東嘅避孕方法後, 引起手臂內則嘅皮膚痕癢紅腫.
(4)避孕針 - 可選擇每月打一次或三個月打一次, 某部份人選擇此避孕方法後"M小姐"嘅探訪時間接近3個星期.
(5)口服避孕藥 - 呢個超方便簡單, 不過某部份人選擇呢個避孕方法後, 出現暈眩, 嘔吐, 發冷, 發熱等現象.
雖有五花八門嘅避孕方法, 但係唔係每個方法都適合自己嘅身體當中有利有弊, 係亞太未公開用乜方法避孕前又同大家講下故仔喇>_<
亞太讀完書啱啱出嚟做嘢冇耐, 某日係公司突然肚痛仲暈左添, 嚇到D同事半死差D要打3條九將亞太送去醫院, 後尾經過多過婦科醫生診斷, 證實亞太個卵巢有一個如西柚咁大嘅腫瘤, 由於當時嘅腫瘤超大唔適宜留係體內, 加上當時唔可能確定腫瘤屬於良性或惡性, 唯一嘅辦法要盡快將個腫瘤切除再進行化驗.
當年亞太個亞爹都好擔心亞太有事, 所以叫醫生盡快為亞太安排到私家醫院進行切除手術, 謝過老天爺那個超大嘅腫瘤屬於良性, 至於個腫瘤醫學名亞太都唔記得喇! 雖然腫瘤屬良性但係醫生話有機會會番發, 建議亞太服食避孕藥控制荷爾蒙減低番發嘅機會, 而且每年都需要做一個詳細嘅婦科檢驗.
亞太當年做此切割手術只有19歲, 到亞太決定要小朋友前一年停止服用避孕藥, 計下條數亞太服食避孕藥接近10個年頭, 所以當年嘅婦科醫生建議亞太生左小朋友後就要選擇其他避孕方法, 小公主出世後亞太就煩惱究竟選擇用乜方法避孕呢???
因狂躁先生同亞太一早就有共識要兩個小朋友, 所以絕對冇可能選擇結紮手術此辦法喇, 狂躁先生又唔想亞太用子宮環同果個乜東東嘅避孕方法, 老公話要攞出攞入又要定期維修保養, 仲要攞張証明卡隨身攜帶咁Q煩, 最主要嘅原因係怕會傷亞太個身體.
所以當年狂躁先生做左一個好偉大, 而又唔會傷亞太身體嘅決定, 就係由佢個人負責使用安全套, 呢個避孕方法一用又10個年頭喇!!!
大家可能會問亞太點解生左小龍B之後唔去做結紮手術呢??? 查實小龍B出世後三個月亞太又走去家庭醫生到要求安排做結紮手術, 當時家庭醫生嘅回應係 : 亞乜太妳家陣又餵梗"母乳"手術又有麻醉藥, 而且連"M小姐"都未回復正常暫時係唔可以做結紮手術呀!!!
當妳嘅"M小姐"回復正常,又停止餵"母乳"後, 到時妳再嚟我哋就會同妳安排有關結紮手術事宜, 既然家庭醫生咁講亞太唯有乖乖咁離開喇@_@, "奶媽"呢份工作亞太真係做得好好, 有源源不絕嘅奶水供應畀小龍B, 而小龍B就好似中左毒一樣, 冇亞太牌奶奶食就會瞓唔著.
曾經努力嘗試幫小龍B戒奶結果當然係唔成功喇!!! 晚晚半夜喊到拆天叫老公同兩個家姐點瞓, 第二朝仲要番工番學, 所以狂躁先生都買小龍B怕, 就同亞太講既然妳仲有奶就繼續餵喇!!! 結果小龍B食"母乳"食到差唔多3歲, (仲爭10日就3歲), 因為亞太懷有小猴B所以停止"母乳"生產, 又奇怪當"母乳"停止生產後, 小龍B就冇再彆亞太要食奶奶喇!!!
而係早前(4月12號)亞太睇到一則港聞有關避孕嘅事宜 :
以下係新聞內容嘅報導 :
[東方日報專訊] [本報訊] 避孕丸己過時? 香港家庭計劃指導會於去年四月至五月期間, 招募一千二百九十五名女性參加調查, 她們年齡介乎十八至四十五歲, 平均中位數為三十二歲, 在受訪前一年內曾使用避孕方法, 發現只有一成三受訪婦女服用混合賀爾蒙避孕丸. 兩成一受訪婦女靠男士體外射精來避孕, 最多人選用的避孕方法是靠男方(戴套), 多達七成六, 但專家認為是不穩陣避孕方法, 隨時(搞出人命).
較避孕丸風險高五至六倍
家計會高級醫生羅善清稱, 與西方國家比較, 本港女性用避孕丸比率偏低, 她留意到(穩陣)的避孕方法愈來愈少人用, 或與港人行房次數少有關.
羅善清稱, 每一百婦女服用避孕丸一年, 少於一人意外懷孕, 用避孕套意外懷孕風險則高五至六倍, 英國已將體外射精剔除於避孕方法外, 計算安全期亦非穩陣方法, 羅善清表示, 婦女服用避孕丸前最好諮詢醫生意見, 正服用避孕丸者, 每年應定期檢查血壓, 子宮頸等, 亦只可服用到五十歲.
拿拿拿!!! 之前有Midwife同亞太講過用安全套其實唔係想像中咁安全, 雖然Midwife冇詳細加意解釋理由何在, 不過查實亞太同狂躁先生都抓爆頭小龍B同小猴B係點樣跑出嚟, 大家唔好問超低能白痴問題??? 亞太肯定狂躁先生係正確使用安全套, 使用後個袋袋係裝有種子嘅, 加上狂躁先生並唔係買雜牌貨, 而係從廣告堪稱自誇最安全嘅安全套杜XC.
亞太曾忽發奇想係米可以控告, 堪稱自誇最安全嘅安全套杜XC廠呢??? 亞太都係果句喇有好人同事都唔係自己能力控制範圍內, 或者命中注定亞太同狂躁先生係擁有四個小朋友, 不過講真有兩個"好字"已經好心滿足同感恩.
亞太老喇唔想日後再係個Blog到公佈嚇人嘅懷孕消息, 小猴B出世後亞太依然選擇餵"母乳", 不過堅決係小猴B一歲就要戒"母乳", 然後就去家庭醫生到要求安排做結紮手術, 只有將亞太條生產線拆除先至係最安全嘅辦法.
Wakakaka係亞太未拆除條生產線之前, 就請亞太個愛人狂躁先生耐心等候以及嚴禁一切happy事宜.
拿!!! 亞太唔係嚇大家!!! 亞太以過來人真實嘅分享, 如果當下選擇以安全套嚟避孕嘅親戚好友們, 可能需要重申考慮其他避孕方法喇>_<
小龍B的出現與誕生
2012年1月份當時我家撥Boot豬15個多月大, 自撥Boot豬出世後呢個小鬼頭一直享用亞太牌奶奶(即係母乳), 到左2月份嘅時候亞太嘅(母乳)突然停止生產, 當時亞太都覺得奇怪點解(母乳)突然停止生產, 之後亞太又發現連"M小姐"都失左蹤, 係呢個時候唔洗亞太講喇!!! 又到棒棒出場嘅時間喇!!! 又唔洗亞太講喇!!! 大家都知道亞太想講乜喇!!! 冇錯!!! 亞太又中獎懷有身孕呀!!!
2012年3月份亞太首次同Midwife見面, 當時小龍B被估計有10 Weeks 2 Days, 整個懷孕期亞太嘅所有檢驗報告通通過關, 是次全程都由Midwife跟進亞太嘅懷孕期, 唔需要見醫生或轉介到任何婦科部門, 亞太亦只需接受照兩次超聲波嘅安排.
第一次照聲波嘅時候小龍B已經有14 Weeks 2 Days, 所以當時護士姐姐都95巴仙肯定亞太陀嘅係一個男寶寶, 到第二次照超聲波嘅時候護士姐姐肯定同亞太講亞太陀嘅係男寶寶, 當時嘅亞太又真係冇乜所謂, 只緊要係小龍B身體健康四肢健全就感恩滿足.
亞太陀小龍B同陀撥Boot豬嘅妊娠情況差唔多成日作嘔作悶, 嘔又嘔唔出又唔想食嘢, 連飲啖水都唔想當然又係唔瞓得, 以上情況一直持續到孕期嘅第5個月先有改善, 整個懷孕期亞太同陀撥Boot豬一樣只係重左10幾磅.
小龍B嘅預產期係10月7號, 不過小龍B佢為食想食月餅, 佢急不及待係中秋節當日就跑左出嚟喇, 所以小龍B仲有一個乳名就係十五仔喇>_<.
9月30號亞太好夢正甜突然又"扎醒"左VV之後又覺得個肚唔多自在, 亞太走去同狂躁先生講個肚又D唔自在, 狂躁先生問亞太咁係米生得喇!!! 當時亞太回應我都唔知不過仲想瞓多一陣, 狂躁先生聽完亞太講就話瞓係佢隔離喇, 之後亞太就冇番房同撥Boot豬瞓就瞓係狂躁先生身邊.
一直瞓到09:15a.m.亞太開始覺得個肚有小小痛, 不過亞太依然賴係張床到唔肯起身, 10分鐘後亞太個肚開始越嚟越痛而且覺得唔對路, 就即刻叫醒狂躁先生梳洗, 亞太又即刻打電話到產房, Midwife又係例牌式嘅問長問短, 不過亞太當然唔會畀機會佢問, 亞太只同Midwife講生第一, 二胎嘅生產時間, 佢聽完後都即刻叫亞太盡快到醫院.
由於當日係星期日細姑姐&細姑丈唔洗番工, 所以亞太就打電話畀細姑姐求救幫忙, 細姑姐幫忙照顧小公主同撥Boot豬, 車神姑丈就車亞太同狂躁先生去醫院, 車神姑丈果然唔係浪得虛名呀09:40a.m.就到亞太屋企, 09:50a.m.就去到醫院婦產科大堂.
09:51a.m.狂躁先生到大堂登記後, 亞太就被直接送到6樓產房, 09:53a.m.到產房後第一件事就係驗尿, 當亞太正準備除褲想痾尿嘅時候, 一估大量嘅胎水衝左出嚟一地都濕晒, 狂躁先生即刻通知Midwife, Midwife見到此情形即時叫狂躁先生扶亞太上產床做檢查.
09:56a.m.亞太瞓係產床畀Midwife檢查, 佢突大叫哎呀!!! 真係畀佢嚇左一跳之後佢同狂躁先生講 : 我見到BB個頭仔喇!!! Midwife即時搵多個同事幫忙, 其實亞太由上左姑丈架車開始個肚已經痛到不得了, 瞓左上張產床後就更加痛得要命喇.
Midwife已經話見到個小龍B個頭仔, 所以止痛針同笑氣當然又冇亞太份喇!!! 亞太又再一次係毫無止痛嘅幫忙下承受產生嘅超級痛準備作戰, 今次有狂躁先生係身邊同亞太一齊打併, 亞太又配合Midwife嘅指示, 10:05a.m.亞太就聽見小龍B嘅喊聲喇!!!
大家冇睇錯亞太都冇打錯10:05a.m.小龍B就出世喇而且重7磅4安士, 狂躁先生今次仲親自為小龍B剪臍帶, Midwife同亞太講整個生產過程只係用左9分鐘嘅時間, 亞太應該會係醫院生產最快嘅一個紀錄.
9分鐘嘅時間又真係有D誇不過呢個又係一個事實, 由09:15a.m.開始肚痛一個鐘頭嘅時間都唔夠小龍B就出世, 亞太又破左自己嘅生產紀錄再一次超超超額完成任務.
2012年3月份亞太首次同Midwife見面, 當時小龍B被估計有10 Weeks 2 Days, 整個懷孕期亞太嘅所有檢驗報告通通過關, 是次全程都由Midwife跟進亞太嘅懷孕期, 唔需要見醫生或轉介到任何婦科部門, 亞太亦只需接受照兩次超聲波嘅安排.
第一次照聲波嘅時候小龍B已經有14 Weeks 2 Days, 所以當時護士姐姐都95巴仙肯定亞太陀嘅係一個男寶寶, 到第二次照超聲波嘅時候護士姐姐肯定同亞太講亞太陀嘅係男寶寶, 當時嘅亞太又真係冇乜所謂, 只緊要係小龍B身體健康四肢健全就感恩滿足.
亞太陀小龍B同陀撥Boot豬嘅妊娠情況差唔多成日作嘔作悶, 嘔又嘔唔出又唔想食嘢, 連飲啖水都唔想當然又係唔瞓得, 以上情況一直持續到孕期嘅第5個月先有改善, 整個懷孕期亞太同陀撥Boot豬一樣只係重左10幾磅.
小龍B嘅預產期係10月7號, 不過小龍B佢為食想食月餅, 佢急不及待係中秋節當日就跑左出嚟喇, 所以小龍B仲有一個乳名就係十五仔喇>_<.
9月30號亞太好夢正甜突然又"扎醒"左VV之後又覺得個肚唔多自在, 亞太走去同狂躁先生講個肚又D唔自在, 狂躁先生問亞太咁係米生得喇!!! 當時亞太回應我都唔知不過仲想瞓多一陣, 狂躁先生聽完亞太講就話瞓係佢隔離喇, 之後亞太就冇番房同撥Boot豬瞓就瞓係狂躁先生身邊.
一直瞓到09:15a.m.亞太開始覺得個肚有小小痛, 不過亞太依然賴係張床到唔肯起身, 10分鐘後亞太個肚開始越嚟越痛而且覺得唔對路, 就即刻叫醒狂躁先生梳洗, 亞太又即刻打電話到產房, Midwife又係例牌式嘅問長問短, 不過亞太當然唔會畀機會佢問, 亞太只同Midwife講生第一, 二胎嘅生產時間, 佢聽完後都即刻叫亞太盡快到醫院.
由於當日係星期日細姑姐&細姑丈唔洗番工, 所以亞太就打電話畀細姑姐求救幫忙, 細姑姐幫忙照顧小公主同撥Boot豬, 車神姑丈就車亞太同狂躁先生去醫院, 車神姑丈果然唔係浪得虛名呀09:40a.m.就到亞太屋企, 09:50a.m.就去到醫院婦產科大堂.
09:51a.m.狂躁先生到大堂登記後, 亞太就被直接送到6樓產房, 09:53a.m.到產房後第一件事就係驗尿, 當亞太正準備除褲想痾尿嘅時候, 一估大量嘅胎水衝左出嚟一地都濕晒, 狂躁先生即刻通知Midwife, Midwife見到此情形即時叫狂躁先生扶亞太上產床做檢查.
09:56a.m.亞太瞓係產床畀Midwife檢查, 佢突大叫哎呀!!! 真係畀佢嚇左一跳之後佢同狂躁先生講 : 我見到BB個頭仔喇!!! Midwife即時搵多個同事幫忙, 其實亞太由上左姑丈架車開始個肚已經痛到不得了, 瞓左上張產床後就更加痛得要命喇.
Midwife已經話見到個小龍B個頭仔, 所以止痛針同笑氣當然又冇亞太份喇!!! 亞太又再一次係毫無止痛嘅幫忙下承受產生嘅超級痛準備作戰, 今次有狂躁先生係身邊同亞太一齊打併, 亞太又配合Midwife嘅指示, 10:05a.m.亞太就聽見小龍B嘅喊聲喇!!!
大家冇睇錯亞太都冇打錯10:05a.m.小龍B就出世喇而且重7磅4安士, 狂躁先生今次仲親自為小龍B剪臍帶, Midwife同亞太講整個生產過程只係用左9分鐘嘅時間, 亞太應該會係醫院生產最快嘅一個紀錄.
9分鐘嘅時間又真係有D誇不過呢個又係一個事實, 由09:15a.m.開始肚痛一個鐘頭嘅時間都唔夠小龍B就出世, 亞太又破左自己嘅生產紀錄再一次超超超額完成任務.
撥Boot豬的出現與誕生
2010年1月份某日亞太又再次發現自己懷有身孕, 當時亞太知道自己又懷孕都呆左, 一D開心興奮嘅心情都冇相反只有驚, 回想起接受(MTX)針藥注射只係幾個月前嘅事(2009年7月21號), 心理生理都未完全康復, 點解係呢個時候有跑個小生命出來.
由於啱啱只夠半年嘅時間咁究竟腹中塊肉, 係米真係已過6個月嘅安全期先至成孕呢??? 萬一又係一個殘酷嘅消息亞太都怕自己承受唔倒囉, 怕死嘅亞太又"拿拿淋"打電話畀家庭醫生, 謝過老天爺嘅厚愛同眷顧, 經醫生同Midwife嘅詳細反覆檢查測試, 亞太腹中塊肉屬於健康正常嘅胎兒.
而亞太是次嘅懷孕亦唔需要特別轉介到任何一個婦科部門, 除左定期嘅某幾次要同醫生見面之外, 其餘都由Midwife負責跟進亞太嘅懷孕期, 而係懷孕期嘅各方面檢查測試亞太亦通通過關, 照兩次嘅超聲波亞太都從儀器見到撥Boot豬非常之活躍.
不過亞太陀撥Boot豬比較辛苦, 妊娠反應比陀小公主多, 最慘係成日作嘔作悶, 嘔又嘔唔出又唔想食嘢, 連飲一啖水都唔想, 瞓又瞓唔好, 以上情況一直持續到孕期嘅第5個月先有改善, 整個懷孕期亞太都係重左10幾磅.
撥Boot豬嘅預產期係9月7號, 9月5號熟睡中嘅亞太突然係早上九點"扎醒"左, 之後就覺得個肚有D唔自在嘅感覺, 之後又覺得人有三急VV後又繼續死番上張床同周公子談心, 瞓到10:00鐘倒亞太感覺自己好似放左個屁, 塊護墊又好似濕濕地有D唔對路, 即刻叫醒狂躁先生梳洗準備.
亞太我又即刻打電話去產房, Midwife接聽電話又問長問短, 亞太同Midwife講唔好再問喇!! 請準備產房亞太好快就會到醫院, 亞太生第一胎由有唔自在嘅感覺到生只係用左2個鐘頭2分鐘嘅時間係一個超快嘅時間呀!!! Midwife聽完亞太講就叫亞太盡快到醫院.
由於狂躁先生唔能夠分身照顧亞太同小公主仲要孭埋個走佬袋, 所以最佳嘅解決辦法就係Call的士, 平日Call的士起碼要等半粒鐘, 唔知Call台係米知道亞太趕住生, 個姐姐仔同亞太講的士準時10:30a.m.到亞太屋企.
既然佢話準時亞太, 小公主同狂躁先生就係門口等的士, 一出門口亞太就開始肚痛而且係越嚟越痛果隻, 好在架的士真係準時到亞太屋企, 我哋三人一上車司叔叔都好醒目問係米去醫院婦產科, 狂躁先生話係冇錯唔該.
10:42a.m.我哋去到婦產科大堂通知接待處, 之後亞太就直接被安排去6樓產房當時係10:45a.m., 上到產房Midwife例牌問長問短??? 當時亞太真係痛到乜都聽唔入耳, Midwife話要同亞太驗尿, 亞太好唔容易先至死到去廁所, 不過就一滴尿都痾唔出亞太都冇辦法喇!!!
Midwife當然又唔多高興喇!!! 跟住Midwife指示亞太瞓係產床檢查撥Boot豬心跳, 檢查完畢後Midwife就請多個同事入嚟準備幫忙, 當時嘅亞太開始痛到死去活來不停咁大叫大嗌, 我諗如果真係有啞藥呢樣嘢, 亞太好肯定Midwife一定第一時間餵亞太食一粒.
因為真係, 真係, 真係超級痛, 亞太要求打止痛針或聞笑氣, 不過畀Midwife拒絕亞太嘅要求, Midwife話撥Boot豬已經準備好, 所以佢叫亞太冷靜一下情緒, 留番D氣力嚟生仲好喇!!! 鬼唔知亞媽係女人咩??? 不過真係好Q痛嗎!!! XYZ... XYZ...
因為係毫無止痛嘅幫助下亞太開始準備生產, 因為實在太痛亞太呱呱大叫眼淚不停流, 小公主又畀亞太嚇親所以佢又陪亞太喊埋一份, 隔離產房嘅產婦又痛得呱呱大叫, Midwife一時間覺得6樓產房好嘈吵, 為免影響接生工作Midwife請狂躁先生帶走小公主.
留低亞太一人係產房孤軍作戰, XYZ... XYZ... 狂躁先生同小公主出左產房後, 撥Boot豬就準備出閘喇, 亞太嘗試左好幾次不過都唔成功將撥Boot豬推出, 唔知係米冇食嘢亞太都開始覺得筋疲力盡而且有暈眩嘅感覺.
突然亞太又聽見Midwife講 : 亞乜太如果妳再唔努力將BB推出嚟, BB可能會有危險呀因為BB已經係產道冇左胎水嘅保護!!! 聽完Midwife講亞太成個人醒晒, 好快亞太又出現肚痛再配合Midwife指示, 為左撥Boot豬嘅安全亞太再嘗試用盡全身嘅氣力推撥Boot豬出嚟.
經過大戰連場11:16a.m.撥Boot豬終於跑出來而且重7磅11安士, Midwife剪左臍帶後就將撥Boot豬抱到亞太懷中, 同時亦通知狂躁先生同小公主可以再次進入產房, 終於一家四口子齊齊整整係埋一齊, 果刻真係超開心&滿足, 生產嘅超級痛已經通通拋諸腦後.
感恩!!! 感恩!!! 感謝老天爺亞太今胎生產仲要畀生小公主快, 雖然生產過程好似好漫長而且需要承受講唔出嘅超級痛, 不過全程只係用左一個鐘頭16分鐘就生左撥Boot豬, 亞太又一次超超額完成任務喇!!!
由於啱啱只夠半年嘅時間咁究竟腹中塊肉, 係米真係已過6個月嘅安全期先至成孕呢??? 萬一又係一個殘酷嘅消息亞太都怕自己承受唔倒囉, 怕死嘅亞太又"拿拿淋"打電話畀家庭醫生, 謝過老天爺嘅厚愛同眷顧, 經醫生同Midwife嘅詳細反覆檢查測試, 亞太腹中塊肉屬於健康正常嘅胎兒.
而亞太是次嘅懷孕亦唔需要特別轉介到任何一個婦科部門, 除左定期嘅某幾次要同醫生見面之外, 其餘都由Midwife負責跟進亞太嘅懷孕期, 而係懷孕期嘅各方面檢查測試亞太亦通通過關, 照兩次嘅超聲波亞太都從儀器見到撥Boot豬非常之活躍.
不過亞太陀撥Boot豬比較辛苦, 妊娠反應比陀小公主多, 最慘係成日作嘔作悶, 嘔又嘔唔出又唔想食嘢, 連飲一啖水都唔想, 瞓又瞓唔好, 以上情況一直持續到孕期嘅第5個月先有改善, 整個懷孕期亞太都係重左10幾磅.
撥Boot豬嘅預產期係9月7號, 9月5號熟睡中嘅亞太突然係早上九點"扎醒"左, 之後就覺得個肚有D唔自在嘅感覺, 之後又覺得人有三急VV後又繼續死番上張床同周公子談心, 瞓到10:00鐘倒亞太感覺自己好似放左個屁, 塊護墊又好似濕濕地有D唔對路, 即刻叫醒狂躁先生梳洗準備.
亞太我又即刻打電話去產房, Midwife接聽電話又問長問短, 亞太同Midwife講唔好再問喇!! 請準備產房亞太好快就會到醫院, 亞太生第一胎由有唔自在嘅感覺到生只係用左2個鐘頭2分鐘嘅時間係一個超快嘅時間呀!!! Midwife聽完亞太講就叫亞太盡快到醫院.
由於狂躁先生唔能夠分身照顧亞太同小公主仲要孭埋個走佬袋, 所以最佳嘅解決辦法就係Call的士, 平日Call的士起碼要等半粒鐘, 唔知Call台係米知道亞太趕住生, 個姐姐仔同亞太講的士準時10:30a.m.到亞太屋企.
既然佢話準時亞太, 小公主同狂躁先生就係門口等的士, 一出門口亞太就開始肚痛而且係越嚟越痛果隻, 好在架的士真係準時到亞太屋企, 我哋三人一上車司叔叔都好醒目問係米去醫院婦產科, 狂躁先生話係冇錯唔該.
10:42a.m.我哋去到婦產科大堂通知接待處, 之後亞太就直接被安排去6樓產房當時係10:45a.m., 上到產房Midwife例牌問長問短??? 當時亞太真係痛到乜都聽唔入耳, Midwife話要同亞太驗尿, 亞太好唔容易先至死到去廁所, 不過就一滴尿都痾唔出亞太都冇辦法喇!!!
Midwife當然又唔多高興喇!!! 跟住Midwife指示亞太瞓係產床檢查撥Boot豬心跳, 檢查完畢後Midwife就請多個同事入嚟準備幫忙, 當時嘅亞太開始痛到死去活來不停咁大叫大嗌, 我諗如果真係有啞藥呢樣嘢, 亞太好肯定Midwife一定第一時間餵亞太食一粒.
因為真係, 真係, 真係超級痛, 亞太要求打止痛針或聞笑氣, 不過畀Midwife拒絕亞太嘅要求, Midwife話撥Boot豬已經準備好, 所以佢叫亞太冷靜一下情緒, 留番D氣力嚟生仲好喇!!! 鬼唔知亞媽係女人咩??? 不過真係好Q痛嗎!!! XYZ... XYZ...
因為係毫無止痛嘅幫助下亞太開始準備生產, 因為實在太痛亞太呱呱大叫眼淚不停流, 小公主又畀亞太嚇親所以佢又陪亞太喊埋一份, 隔離產房嘅產婦又痛得呱呱大叫, Midwife一時間覺得6樓產房好嘈吵, 為免影響接生工作Midwife請狂躁先生帶走小公主.
留低亞太一人係產房孤軍作戰, XYZ... XYZ... 狂躁先生同小公主出左產房後, 撥Boot豬就準備出閘喇, 亞太嘗試左好幾次不過都唔成功將撥Boot豬推出, 唔知係米冇食嘢亞太都開始覺得筋疲力盡而且有暈眩嘅感覺.
突然亞太又聽見Midwife講 : 亞乜太如果妳再唔努力將BB推出嚟, BB可能會有危險呀因為BB已經係產道冇左胎水嘅保護!!! 聽完Midwife講亞太成個人醒晒, 好快亞太又出現肚痛再配合Midwife指示, 為左撥Boot豬嘅安全亞太再嘗試用盡全身嘅氣力推撥Boot豬出嚟.
經過大戰連場11:16a.m.撥Boot豬終於跑出來而且重7磅11安士, Midwife剪左臍帶後就將撥Boot豬抱到亞太懷中, 同時亦通知狂躁先生同小公主可以再次進入產房, 終於一家四口子齊齊整整係埋一齊, 果刻真係超開心&滿足, 生產嘅超級痛已經通通拋諸腦後.
感恩!!! 感恩!!! 感謝老天爺亞太今胎生產仲要畀生小公主快, 雖然生產過程好似好漫長而且需要承受講唔出嘅超級痛, 不過全程只係用左一個鐘頭16分鐘就生左撥Boot豬, 亞太又一次超超額完成任務喇!!!
小寶寶的出現&離開
2009年6月中嘅時候亞太以為"M小姐"如常探訪, 當時"M小姐"嘅探訪同平日有D唔同, 流量唔多色澤情現係淺啡色探訪時間超過10日, 亞太都覺得有D唔妥狂躁先生就叫亞太搵枝棒棒驗下, 點知亞太發現棒棒顯示係懷孕.
真係"大檸樂"喇原來唔係"M小姐"到訪係見紅呀, 嚇得亞太半死"拿拿淋"打電話畀家庭醫生, 由於因為見紅家庭醫生安排亞太去大醫院, 其中一個婦科部門叫(EPAU), 呢個(EPAU)專接見啱啱懷孕而有問題嘅孕婦.
亞太就因見紅所以需轉到(EPAU)呢個婦科部門, 自從被轉到(EPAU)後亞太嘅見紅現象一直都冇好轉, 而且之後嘅情況就變得越嚟越差, 亞太不停被抽血驗(hCG)指數, 雖然(hCG)指數係有升但係又唔理想.
之後嘅情況唔只見紅仲出現血塊, 係7月3號晚情況轉差而需入急症, 經過一晚觀察4號經醫生批准出院, 5號瞓醒後又大量出血仲夾雜血塊同一D不能形容嘅嘢, 最後又再次被送入婦科病房, 觀察兩日後又經醫生批准出院.
出院後又繼續番(EPAU)檢查同跟進, 醫生一直都為亞太抽血驗(hCG)指數, 但呢個指數一直都唔理想, 最後一次"M小姐"探訪亞太係五月份, 七月八號醫生同亞太照超聲波不過乜都照唔倒, 醫生提議亞太照陰超, 原本亞太唔想不過當時係唯一辦法, 不過照出嚟嘅結果令亞太非常之沮喪.
由發現有左小寶寶後亞太非常之努力, 用盡所有辦法想保住腹中塊肉, 不過無論亞太幾努力去嘗試爭取, 到最後都唔係亞太嘅能力控制範圍內, 經過超過10日嘅(hCG)檢驗, 亞太嘅指數一直都唔達標, 加上見紅出血嘅情況有小小改善.
原本亞太以為情況好轉點知換嚟一個令亞太傷心得要死嘅結果, 7月19號亞太再次被安排照超聲波結果依然係乜都照唔倒, 但係驗尿報告顯示亞太係懷孕, (hCG)指數有升不過係唔正常數字, 面對以上檢驗結果亞太當時都好無奈傷心當然終日以淚洗臉, (亞太係因經歷過人生中首次嘅痛苦經歷後, 先至深深體會有好多人同事都唔係自己嘅能力控制範圍內, 從痛苦中先學識做人要積極, 正面, 活在當下).
7月20號亞太番(EPAU)見一位高級顧問醫生, 呢位醫生好詳細同亞太解釋見面嘅原因, 首先醫生肯定亞太並唔係宮外孕, 至於出血嘅原因係本身個胎兒出現問題, 係屬於一個唔健康嘅胎兒, 所以一開始就見紅出血.
醫生亦都肯定胎兒已經自然剝落連同血塊&亞太曾經講過一D形容唔倒嘅嘢排出體外, 因有部份胎兒組織未能完全排出體外, 所以驗尿報告依然顯示亞太懷孕, (hCG)指數有升但係唔理想唔達標, 醫生同亞太講 : 亞乜太太非常之抱歉妳已被確定小產.
亞太當時聽見醫生呢個殘酷嘅消息, 整個人都被推進瘋癲崩潰嘅狀態, 醜態盡露於人前失控狂喊, 在場嘅醫生同護士冇加意阻止安慰, 佢哋畀時間亞太去發洩情緒, 因為係當時亞太所承受嘅痛苦同壓力都唔小, 醫生怕亞太見完婦產科後又需轉介到精神科.
亞太瘋癲過後情緒開始平靜落嚟, 醫生就同亞太講以下嘅說話 :
亞乜太太我知呢個係一個好難接受嘅消息, 不過事情已經發生左唔可能改變, 家陣要盡快幫妳將殘餘嘅胎兒組織排出體外, 由於只有小量部份組織所以唔需要做吸盤手術攞走胎兒組織, 醫生建議亞太注射一枝針藥(MTX), 打左呢枝針後亞太就會好似"M小姐"到訪一樣, 而殘餘胎兒組織會從血液中自然排出體外.
醫生話呢個辦法係最好而且對亞太嘅身體冇咁傷, 打左呢枝針後要不停抽血做測試, 直至確定所有殘餘胎兒組織自然排出體外唯止, 而且注射(MTX)後半年內都唔可以再懷孕, 醫生叫亞太盡快決定簽同意書, 因枝(MTX)針係由醫生負責注射需要時間作出安排.
亞太當時都別無他選只有無奈簽上同意書, 呢位高級顧問醫生好快手就為亞太作出安排, 注射針藥時間係翌日7月21號 12:45p.m., 係離開會見室前呢位高級顧問醫生再次問亞太仲有冇其他問題, 係米清楚知道有關(MTX)注射後嘅事宜, 亞太當時無奈回答清楚知道, 亦都承諾會準時出現接受針藥注射, 亞太之後拖著疲憊勞累嘅身軀準備離開, 突然亞太再次聽見呢位高級顧問醫生一句簡單實在嘅說話, 亞乜太太無論發生乜嘢事 the life must go on!!!
就係呢句簡單實在嘅說話令亞太開始清醒, 冇錯每個人都有唔同嘅經歷際遇, 不論所有受嘅打擊, 痛苦, 傷害有幾深, 時間永遠都向前走地球亦不段轉, 絕唔會因某個人嘅傷痛而有所改變, 小寶寶嘅離開已經係鐵一般嘅事實, 亞太唔可以用個傷痛嘅框架框住自己, 始終亞太仲有個家有個好老公有個女要照顧.
亞太唔係神雖知道理實在所在但係亦需要時間去治療等傷口埋合, 2009年7月21號12:45p.m.亞太接受(MTX)注射後就正適同小寶寶講再見, 雖然亞太唔知道小寶寶係仔定女, 究竟懷有小寶寶幾多個星期, 但有一樣嘢係可以肯定小寶寶曾經係亞太個肚子出現過, 雖然小寶寶已確定離開亞太, 不過亞太相信老天爺已經為小寶寶作出最好嘅安排, 而亞太亦唔會忘記生命中曾經出現過呢個小寶寶, 亞太亦唔會忘記2009年7月21號12:45p.m.人生最傷痛嘅一刻.
事隔6年亞太家陣需擁有小公主, 撥Boot豬&小龍B, 不過亞太都冇忘記過小寶寶, 當亞太瞓唔著夜瀾人靜嘅時候, 亞太就會特別想念記掛小竇寶, 小寶寶曾經都擁有過寶貴嘅生命永遠都係亞太個好孩兒, 小寶寶媽媽永遠懷念你/妳.
真係"大檸樂"喇原來唔係"M小姐"到訪係見紅呀, 嚇得亞太半死"拿拿淋"打電話畀家庭醫生, 由於因為見紅家庭醫生安排亞太去大醫院, 其中一個婦科部門叫(EPAU), 呢個(EPAU)專接見啱啱懷孕而有問題嘅孕婦.
亞太就因見紅所以需轉到(EPAU)呢個婦科部門, 自從被轉到(EPAU)後亞太嘅見紅現象一直都冇好轉, 而且之後嘅情況就變得越嚟越差, 亞太不停被抽血驗(hCG)指數, 雖然(hCG)指數係有升但係又唔理想.
之後嘅情況唔只見紅仲出現血塊, 係7月3號晚情況轉差而需入急症, 經過一晚觀察4號經醫生批准出院, 5號瞓醒後又大量出血仲夾雜血塊同一D不能形容嘅嘢, 最後又再次被送入婦科病房, 觀察兩日後又經醫生批准出院.
出院後又繼續番(EPAU)檢查同跟進, 醫生一直都為亞太抽血驗(hCG)指數, 但呢個指數一直都唔理想, 最後一次"M小姐"探訪亞太係五月份, 七月八號醫生同亞太照超聲波不過乜都照唔倒, 醫生提議亞太照陰超, 原本亞太唔想不過當時係唯一辦法, 不過照出嚟嘅結果令亞太非常之沮喪.
由發現有左小寶寶後亞太非常之努力, 用盡所有辦法想保住腹中塊肉, 不過無論亞太幾努力去嘗試爭取, 到最後都唔係亞太嘅能力控制範圍內, 經過超過10日嘅(hCG)檢驗, 亞太嘅指數一直都唔達標, 加上見紅出血嘅情況有小小改善.
原本亞太以為情況好轉點知換嚟一個令亞太傷心得要死嘅結果, 7月19號亞太再次被安排照超聲波結果依然係乜都照唔倒, 但係驗尿報告顯示亞太係懷孕, (hCG)指數有升不過係唔正常數字, 面對以上檢驗結果亞太當時都好無奈傷心當然終日以淚洗臉, (亞太係因經歷過人生中首次嘅痛苦經歷後, 先至深深體會有好多人同事都唔係自己嘅能力控制範圍內, 從痛苦中先學識做人要積極, 正面, 活在當下).
7月20號亞太番(EPAU)見一位高級顧問醫生, 呢位醫生好詳細同亞太解釋見面嘅原因, 首先醫生肯定亞太並唔係宮外孕, 至於出血嘅原因係本身個胎兒出現問題, 係屬於一個唔健康嘅胎兒, 所以一開始就見紅出血.
醫生亦都肯定胎兒已經自然剝落連同血塊&亞太曾經講過一D形容唔倒嘅嘢排出體外, 因有部份胎兒組織未能完全排出體外, 所以驗尿報告依然顯示亞太懷孕, (hCG)指數有升但係唔理想唔達標, 醫生同亞太講 : 亞乜太太非常之抱歉妳已被確定小產.
亞太當時聽見醫生呢個殘酷嘅消息, 整個人都被推進瘋癲崩潰嘅狀態, 醜態盡露於人前失控狂喊, 在場嘅醫生同護士冇加意阻止安慰, 佢哋畀時間亞太去發洩情緒, 因為係當時亞太所承受嘅痛苦同壓力都唔小, 醫生怕亞太見完婦產科後又需轉介到精神科.
亞太瘋癲過後情緒開始平靜落嚟, 醫生就同亞太講以下嘅說話 :
亞乜太太我知呢個係一個好難接受嘅消息, 不過事情已經發生左唔可能改變, 家陣要盡快幫妳將殘餘嘅胎兒組織排出體外, 由於只有小量部份組織所以唔需要做吸盤手術攞走胎兒組織, 醫生建議亞太注射一枝針藥(MTX), 打左呢枝針後亞太就會好似"M小姐"到訪一樣, 而殘餘胎兒組織會從血液中自然排出體外.
醫生話呢個辦法係最好而且對亞太嘅身體冇咁傷, 打左呢枝針後要不停抽血做測試, 直至確定所有殘餘胎兒組織自然排出體外唯止, 而且注射(MTX)後半年內都唔可以再懷孕, 醫生叫亞太盡快決定簽同意書, 因枝(MTX)針係由醫生負責注射需要時間作出安排.
亞太當時都別無他選只有無奈簽上同意書, 呢位高級顧問醫生好快手就為亞太作出安排, 注射針藥時間係翌日7月21號 12:45p.m., 係離開會見室前呢位高級顧問醫生再次問亞太仲有冇其他問題, 係米清楚知道有關(MTX)注射後嘅事宜, 亞太當時無奈回答清楚知道, 亦都承諾會準時出現接受針藥注射, 亞太之後拖著疲憊勞累嘅身軀準備離開, 突然亞太再次聽見呢位高級顧問醫生一句簡單實在嘅說話, 亞乜太太無論發生乜嘢事 the life must go on!!!
就係呢句簡單實在嘅說話令亞太開始清醒, 冇錯每個人都有唔同嘅經歷際遇, 不論所有受嘅打擊, 痛苦, 傷害有幾深, 時間永遠都向前走地球亦不段轉, 絕唔會因某個人嘅傷痛而有所改變, 小寶寶嘅離開已經係鐵一般嘅事實, 亞太唔可以用個傷痛嘅框架框住自己, 始終亞太仲有個家有個好老公有個女要照顧.
亞太唔係神雖知道理實在所在但係亦需要時間去治療等傷口埋合, 2009年7月21號12:45p.m.亞太接受(MTX)注射後就正適同小寶寶講再見, 雖然亞太唔知道小寶寶係仔定女, 究竟懷有小寶寶幾多個星期, 但有一樣嘢係可以肯定小寶寶曾經係亞太個肚子出現過, 雖然小寶寶已確定離開亞太, 不過亞太相信老天爺已經為小寶寶作出最好嘅安排, 而亞太亦唔會忘記生命中曾經出現過呢個小寶寶, 亞太亦唔會忘記2009年7月21號12:45p.m.人生最傷痛嘅一刻.
事隔6年亞太家陣需擁有小公主, 撥Boot豬&小龍B, 不過亞太都冇忘記過小寶寶, 當亞太瞓唔著夜瀾人靜嘅時候, 亞太就會特別想念記掛小竇寶, 小寶寶曾經都擁有過寶貴嘅生命永遠都係亞太個好孩兒, 小寶寶媽媽永遠懷念你/妳.
小公主的出現與誕生
由於狂躁先生嘅工作關係係2006年4月中嘅時間, 狂躁先生就帶埋亞太離開生活左30年嘅香江跑到大不列顛展開新生活, 係離開前亞太一直工作至4月7號, 因亞太嘅公司每年都提供身體檢查呢個服務, 亞太冇理由白白嘥左呢個機會, 所以係離開前都預約做埋個身體檢查.
4月初亞太就到公司指定某幾個化驗所做身體檢查, 其中有一個檢查係要照X-Ray, 化驗所要求亞太係做X-Ray前先驗孕, 姑娘話要驗尿亞太米去手洗間留D尿液畀姑娘, 點知幾分鐘後姑娘同亞太講唔可以做X-Ray呢Part, 因為驗尿結果顯示亞太懷有身孕.
當時亞太聽到有左後都呆左一下, 原本已計畫生B嘅太冇諗過係咁短嘅時間就中獎, 離開化驗所亞太就即刻通知狂躁先生, 狂躁先生聽到消息後都唔係幾信, 第二朝亞太再自行用棒棒測試結果顯示係懷孕, 亞太即刻打電話畀睇開嘅婦科醫生.
接電話嘅登記姑娘同亞太講麥醫生放梗大假要20號之後先番, 吓!!! 20號之後亞太應該身處係大不列顛, 當時亞太身體冇出現異樣行得食得走得瞓得, 所以亞太同狂躁先生相量後決定到大不列顛後先至再睇醫生.
到步大不列顛處理好有關工作&醫療登記後, 亞太好似係6月份首次同Midwife見面, 檢查結果當時亞太已經懷孕8個禮拜, 亞太陀小公主係非常之舒服正常同平日嘅起居生活冇分別, 只有幾次係刷牙嘅時候出現過反胃作嘔嘅現象.
亞太係整個懷孕期都非常順利, 所有有關嘅檢驗都冇問題, 亞太只需照2次超聲波, 而亞太嘅身形都冇太大嘅走樣到生嘅時候個肚都好細, 整個懷孕期都係重左10幾磅, 不過呢D都唔係問題最重要係小公主身體健康四肢健全.
小公主嘅預產期原本係12月13號, 不過11月30嘅果日亞太就發覺有D唔妥, 原本當日亞太係要番Part-time嘅, 最後都請左假冇番工留係屋企大覺瞓, 而且仲係好好瞓果隻添呀!!! 亞太好似暈左一樣瞓到3點幾起身, 之後走去廚房炒左個飯慢慢嘆.
食飽飽之後亞太又畀睡魔急Call, 既然周公子咁有誠意相約亞太, 亞太冇理由拒絕啫不過係應約之前亞太先要去解手, 亞太VV後用紙巾清潔發現有D透明似啫喱狀嘅嘢係紙巾上面, 由於唔係血所以亞太冇理會之後就"拿拿淋"搵周公子繼續談心.
亞太瞓左一陣就醒左之後覺得個肚有D唔自在, 感覺好似"M小姐"到訪時嘅痛, 直至6點神推鬼推下亞太就打左個電話到產房, 亞太同Midwife講自己有乜唔妥, 好明顯就畀Midwife噴到一臉屁喇, Midwife話妳又未到預產期, 又未見紅, 又冇肚痛, 唔會係生一定係亞太諗多左, Midwife仲叫亞太唔好胡思亂想休息多D. XYZ... XYZ...
畀Midwife噴到一臉屁真冇癮, 唯有死死地氣再搵周公子談下心喇, 點知瞓上床後就feel到有一估暖水滲出雖然係好小嘅份量, 死心不息嘅亞太又再次打電話去產房, 今次係第二個Midwife接聽電話, 最初佢都拒絕亞太不過我同佢講 : 請佢幫忙檢查如果真係未生得, 亞太一定會死番屋企絕對唔會賴死唔走.
Midwife聽見亞太咁講就答應亞太要求, 之後亞太就即刻通知狂躁先生, 7點鐘亞太同狂躁先生去到產房, 企係門口嘅Midwife"臉膿膿"同我哋講 : 您哋知嗎我今晚收九點鐘, 佢嘅意思可能係話亞太阻住佢收工囉. XYZ... XYZ...
雖然係有說話聽不過個Midwife都好詳情同亞太檢查, 檢查完後佢又笑笑口同狂躁先生講 : 我今晚可以準時收工你就快當爸爸喇! 聽完Midwife同狂躁先生嘅對話後, 亞太慶幸自己打電話到產房, 否則真係會"倒潟籮蟹", 跟住所謂生仔嘅超級肚痛話嚟就嚟.
講真果種滋味真係一D都唔好受, 亞太痛到入心入肺"澱床澱蓆"哇哇大叫, 打左止痛針又用埋笑氣效果都唔大, 其實亞太都算幸運好彩人家痛10幾粒鐘, 亞太只係小小嘅時間不過感覺就好似被折磨左一日一夜.
當小公主真係要跑出嚟果下, 亞太真係有想死嘅感覺, 係身邊嘅狂躁先生不停鼓勵亞太, 佢叫亞太叻D仲爭小小就可以, 因為已經見到小公主個頭仔, 只要下一次肚痛再配合Midwife嘅指示, 出一估力就可以將小公主推出嚟.
痛果個又唔係狂躁先生佢梗係講得輕鬆容易喇!!! 都唔知嘗試左幾多次最後亞太用盡全身嘅力氣係8點零2分就生左小公主喇!!! 小公主體重6磅2安士不過個樣係好醜怪呀!!! 感恩!!! 感恩!!! 亞太陀第一胎舒服自在食好瞓好, 更難得係整個生產過程只有2個鐘頭兩分鐘就完成, 雖然一樣要嘗盡生產過程嘅超級痛, 不過只用2個鐘頭2分鐘嘅時間生產已經係超額完成任務了.
4月初亞太就到公司指定某幾個化驗所做身體檢查, 其中有一個檢查係要照X-Ray, 化驗所要求亞太係做X-Ray前先驗孕, 姑娘話要驗尿亞太米去手洗間留D尿液畀姑娘, 點知幾分鐘後姑娘同亞太講唔可以做X-Ray呢Part, 因為驗尿結果顯示亞太懷有身孕.
當時亞太聽到有左後都呆左一下, 原本已計畫生B嘅太冇諗過係咁短嘅時間就中獎, 離開化驗所亞太就即刻通知狂躁先生, 狂躁先生聽到消息後都唔係幾信, 第二朝亞太再自行用棒棒測試結果顯示係懷孕, 亞太即刻打電話畀睇開嘅婦科醫生.
接電話嘅登記姑娘同亞太講麥醫生放梗大假要20號之後先番, 吓!!! 20號之後亞太應該身處係大不列顛, 當時亞太身體冇出現異樣行得食得走得瞓得, 所以亞太同狂躁先生相量後決定到大不列顛後先至再睇醫生.
到步大不列顛處理好有關工作&醫療登記後, 亞太好似係6月份首次同Midwife見面, 檢查結果當時亞太已經懷孕8個禮拜, 亞太陀小公主係非常之舒服正常同平日嘅起居生活冇分別, 只有幾次係刷牙嘅時候出現過反胃作嘔嘅現象.
亞太係整個懷孕期都非常順利, 所有有關嘅檢驗都冇問題, 亞太只需照2次超聲波, 而亞太嘅身形都冇太大嘅走樣到生嘅時候個肚都好細, 整個懷孕期都係重左10幾磅, 不過呢D都唔係問題最重要係小公主身體健康四肢健全.
小公主嘅預產期原本係12月13號, 不過11月30嘅果日亞太就發覺有D唔妥, 原本當日亞太係要番Part-time嘅, 最後都請左假冇番工留係屋企大覺瞓, 而且仲係好好瞓果隻添呀!!! 亞太好似暈左一樣瞓到3點幾起身, 之後走去廚房炒左個飯慢慢嘆.
食飽飽之後亞太又畀睡魔急Call, 既然周公子咁有誠意相約亞太, 亞太冇理由拒絕啫不過係應約之前亞太先要去解手, 亞太VV後用紙巾清潔發現有D透明似啫喱狀嘅嘢係紙巾上面, 由於唔係血所以亞太冇理會之後就"拿拿淋"搵周公子繼續談心.
亞太瞓左一陣就醒左之後覺得個肚有D唔自在, 感覺好似"M小姐"到訪時嘅痛, 直至6點神推鬼推下亞太就打左個電話到產房, 亞太同Midwife講自己有乜唔妥, 好明顯就畀Midwife噴到一臉屁喇, Midwife話妳又未到預產期, 又未見紅, 又冇肚痛, 唔會係生一定係亞太諗多左, Midwife仲叫亞太唔好胡思亂想休息多D. XYZ... XYZ...
畀Midwife噴到一臉屁真冇癮, 唯有死死地氣再搵周公子談下心喇, 點知瞓上床後就feel到有一估暖水滲出雖然係好小嘅份量, 死心不息嘅亞太又再次打電話去產房, 今次係第二個Midwife接聽電話, 最初佢都拒絕亞太不過我同佢講 : 請佢幫忙檢查如果真係未生得, 亞太一定會死番屋企絕對唔會賴死唔走.
Midwife聽見亞太咁講就答應亞太要求, 之後亞太就即刻通知狂躁先生, 7點鐘亞太同狂躁先生去到產房, 企係門口嘅Midwife"臉膿膿"同我哋講 : 您哋知嗎我今晚收九點鐘, 佢嘅意思可能係話亞太阻住佢收工囉. XYZ... XYZ...
雖然係有說話聽不過個Midwife都好詳情同亞太檢查, 檢查完後佢又笑笑口同狂躁先生講 : 我今晚可以準時收工你就快當爸爸喇! 聽完Midwife同狂躁先生嘅對話後, 亞太慶幸自己打電話到產房, 否則真係會"倒潟籮蟹", 跟住所謂生仔嘅超級肚痛話嚟就嚟.
講真果種滋味真係一D都唔好受, 亞太痛到入心入肺"澱床澱蓆"哇哇大叫, 打左止痛針又用埋笑氣效果都唔大, 其實亞太都算幸運好彩人家痛10幾粒鐘, 亞太只係小小嘅時間不過感覺就好似被折磨左一日一夜.
當小公主真係要跑出嚟果下, 亞太真係有想死嘅感覺, 係身邊嘅狂躁先生不停鼓勵亞太, 佢叫亞太叻D仲爭小小就可以, 因為已經見到小公主個頭仔, 只要下一次肚痛再配合Midwife嘅指示, 出一估力就可以將小公主推出嚟.
痛果個又唔係狂躁先生佢梗係講得輕鬆容易喇!!! 都唔知嘗試左幾多次最後亞太用盡全身嘅力氣係8點零2分就生左小公主喇!!! 小公主體重6磅2安士不過個樣係好醜怪呀!!! 感恩!!! 感恩!!! 亞太陀第一胎舒服自在食好瞓好, 更難得係整個生產過程只有2個鐘頭兩分鐘就完成, 雖然一樣要嘗盡生產過程嘅超級痛, 不過只用2個鐘頭2分鐘嘅時間生產已經係超額完成任務了.
2016年4月17日 星期日
2016年4月15日 星期五
家常便飯 @ 14/04/2016
是日狂躁之家的家常便飯 :
青蒸斑魚
白切雞
尖椒炒豬大腸 - for 狂躁先生 only
油鹽水焯大蜆
其實仲有一碟蒜蓉西生菜, 不過亞太煮完擺左係爐頭, 所以唔記得影相.
仲要係食飯嘅時候撥Boot豬問點解今晚冇菜食???
亞太先記起仲有一碟西生菜係爐頭.
大肚婆真係冇記性>_<
2016年4月13日 星期三
2016年4月11日 星期一
第三次與小猴B見面
日期 : 2016年3月1號
3月1號亞太又要番大醫院照第三次超聲波, 今日嘅時間安排得比較早所以狂躁先生, 先將亞太送到大醫院然後再送小公主同撥Boot豬番學, 之後再帶"小龍B"到醫院會合亞太.
亞太到醫院登記後好快就安排入房照超聲波, 護士姐姐好詳細幫亞太照腹中嘅"小猴B", "小猴B"有33 Weeks 3 Days, 一切都好正常健康而且再次確實係一個男寶寶, 同時亦確定亞太個胎盤位置好低, 護士姐姐同亞太講一陣會再安排Midwife或顧問醫生同我見面.
照完超聲波之後亞太就等見Midwife或顧問醫生, 呢個時候狂躁先生帶埋"小龍B"嚟會合亞太, 亞太將有關情況講畀狂躁先生知, 狂躁先生話唔好太擔心等見左醫生聽取專業意見至算, 大約半粒鐘之後就有位高級Midwife接見亞太.
Midwife話從超聲波報告顯示亞太個胎盤好低, 如果自然生產一定會有危險, 原本會有個顧問醫生接見亞太, 不過顧問醫生有一個緊急case要見, 所以亞太可能要等好耐嘅時間, Midwife問亞太想唔想等見顧問醫生, 狂躁先生即時問Midwife可唔可以再約時間見面.
Midwife聽後即刻再聯絡顧問醫生後就作出新安排, 雖然亞太今日冇同顧問醫生見面, 但係佢就請Midwife安排亞太係3月30號, 再番醫院照多一次超聲波如果到時胎盤位置冇變, 顧問醫生會幫亞太安排剖腹生產.
Midwife同亞太&狂躁先生講 : 呢個係顧問醫生作出嘅專業安排, 既然係專業嘅安排亞太唯有耐心等多幾個禮拜喇.
3月1號亞太又要番大醫院照第三次超聲波, 今日嘅時間安排得比較早所以狂躁先生, 先將亞太送到大醫院然後再送小公主同撥Boot豬番學, 之後再帶"小龍B"到醫院會合亞太.
亞太到醫院登記後好快就安排入房照超聲波, 護士姐姐好詳細幫亞太照腹中嘅"小猴B", "小猴B"有33 Weeks 3 Days, 一切都好正常健康而且再次確實係一個男寶寶, 同時亦確定亞太個胎盤位置好低, 護士姐姐同亞太講一陣會再安排Midwife或顧問醫生同我見面.
照完超聲波之後亞太就等見Midwife或顧問醫生, 呢個時候狂躁先生帶埋"小龍B"嚟會合亞太, 亞太將有關情況講畀狂躁先生知, 狂躁先生話唔好太擔心等見左醫生聽取專業意見至算, 大約半粒鐘之後就有位高級Midwife接見亞太.
Midwife話從超聲波報告顯示亞太個胎盤好低, 如果自然生產一定會有危險, 原本會有個顧問醫生接見亞太, 不過顧問醫生有一個緊急case要見, 所以亞太可能要等好耐嘅時間, Midwife問亞太想唔想等見顧問醫生, 狂躁先生即時問Midwife可唔可以再約時間見面.
Midwife聽後即刻再聯絡顧問醫生後就作出新安排, 雖然亞太今日冇同顧問醫生見面, 但係佢就請Midwife安排亞太係3月30號, 再番醫院照多一次超聲波如果到時胎盤位置冇變, 顧問醫生會幫亞太安排剖腹生產.
Midwife同亞太&狂躁先生講 : 呢個係顧問醫生作出嘅專業安排, 既然係專業嘅安排亞太唯有耐心等多幾個禮拜喇.
第五次與Midwife見面 - 飲糖水
日期 : 2016年2月4號
準時09:30亞太就去到兒童中心, Midwife好快手就幫亞太抽血, 之後就為亞太炮製左一柸美味嘅糖水, 好在亞太之前巡Blog睇過某D準媽媽分享有關飲糖水嘅經驗, 原來飲用此類糖水係要慢慢嘆, 如一開始就一口氣飲晒落肚出現反胃現象, 咁就恭喜喇又要呆坐兩粒鐘後再嘆多柸美味糖水.
亞太向來唔好甜嘅食品&飲料, 所以亞太唔可以畀自己有第二次機會品嚐此類糖水, Midwife好快手就炮製好柸糖水佢仲請亞太係佢面前乖乖咁品嚐, Midwife話曾經有孕婦出貓飲一半倒一半, 自此之後佢地就杜絕考生出貓嘅機會, 唯一解決辦法就係要考生係Midwife面前飲完柸糖水, 先至再安排呆坐兩粒鐘作為獎勵@_@ @_@ @_@
難得一生人有一次機會飲用此類糖水, 亞太本想影張相留為紀念, 不過有Midwife係度亞太又唔好意思, 講番柸糖水唔好甜嘅亞太真係覺得柸嘢勁甜, 勁甜同勁甜, 此柸糖水真係好難啃落肚子, 不過好難都要啃落去否則辛苦嘅係自己.
亞太慢慢分左幾好次嘆呢柸美味糖水, 好彩飲完後都冇出現反胃作嘔現象, 否則坐兩粒鐘後又要再嚟一次, 到時亞太真係會暈低呀!!! 飲完糖水後亞太被安排呆坐係一間房, 百無聊賴嘅亞太唯有上網睇下新聞打發時間.
終於都捱完呆坐嘅兩粒鐘, Midwife又幫亞太抽多一次血, 兩日後就會有報告如有問題會即時以電話通知亞太, 冇任何電話就即係好消息一切正常, 亞太當然唔希望會接到任何電話通知喇!!! 為左飲一柸糖水搞左一個上晝終於都可以離開兒童中心.
謝過老天爺嘆完果柸超級糖水後, 亞太都冇收過任何電話通知, 即係話亞太考試已過關喇>_< >_< >_<.
準時09:30亞太就去到兒童中心, Midwife好快手就幫亞太抽血, 之後就為亞太炮製左一柸美味嘅糖水, 好在亞太之前巡Blog睇過某D準媽媽分享有關飲糖水嘅經驗, 原來飲用此類糖水係要慢慢嘆, 如一開始就一口氣飲晒落肚出現反胃現象, 咁就恭喜喇又要呆坐兩粒鐘後再嘆多柸美味糖水.
亞太向來唔好甜嘅食品&飲料, 所以亞太唔可以畀自己有第二次機會品嚐此類糖水, Midwife好快手就炮製好柸糖水佢仲請亞太係佢面前乖乖咁品嚐, Midwife話曾經有孕婦出貓飲一半倒一半, 自此之後佢地就杜絕考生出貓嘅機會, 唯一解決辦法就係要考生係Midwife面前飲完柸糖水, 先至再安排呆坐兩粒鐘作為獎勵@_@ @_@ @_@
難得一生人有一次機會飲用此類糖水, 亞太本想影張相留為紀念, 不過有Midwife係度亞太又唔好意思, 講番柸糖水唔好甜嘅亞太真係覺得柸嘢勁甜, 勁甜同勁甜, 此柸糖水真係好難啃落肚子, 不過好難都要啃落去否則辛苦嘅係自己.
亞太慢慢分左幾好次嘆呢柸美味糖水, 好彩飲完後都冇出現反胃作嘔現象, 否則坐兩粒鐘後又要再嚟一次, 到時亞太真係會暈低呀!!! 飲完糖水後亞太被安排呆坐係一間房, 百無聊賴嘅亞太唯有上網睇下新聞打發時間.
終於都捱完呆坐嘅兩粒鐘, Midwife又幫亞太抽多一次血, 兩日後就會有報告如有問題會即時以電話通知亞太, 冇任何電話就即係好消息一切正常, 亞太當然唔希望會接到任何電話通知喇!!! 為左飲一柸糖水搞左一個上晝終於都可以離開兒童中心.
謝過老天爺嘆完果柸超級糖水後, 亞太都冇收過任何電話通知, 即係話亞太考試已過關喇>_< >_< >_<.
第四次與Midwife見面
日期 : 2016年2月2號
2月2號係亞太第四次同Midwife見面, 都係一般嘅檢查"小猴B"已經有28 Weeks 3 Days, 感謝老天爺"小猴B"成長理想健康, 不過亞太嘅血壓指數始終偏低唔多靚仔, Midwife都係果句要亞太多加留意自己身體狀況.
跟住Midwife就幫亞太檢查量度肚圍, 當然仲有亞太最期待嘅一Part聽"小猴B"嘅心跳聲, 呢種悅耳動人嘅聲音真係令亞太百聽不厭, Midwife話獎勵亞太嘅努力特別為亞太安排左一D嘢, 亞太聽完都知道又係抽血囉.
Midwife話亞太真聰明@_@ @_@, 亞太陀"小猴B"抽血嘅次數亦比之前果三胎多, 曾經仲試過有Midwife突然上門抽血添呀!!! Midwife通知亞太兩日後同一時間番兒童中心抽血, Midwife都未講完亞太就即刻問點解今日唔抽埋血呀???
Midwife話兩日後耍抽四枝血做有關測試, 最重要係獎勵亞太飲糖水, 吓!!! 飲糖水亞太陀之前果三胎都唔洗飲糖水喎!!! Midwife好簡單嘅一個解釋因為妳係一個40歲嘅高齡孕婦, 亞太聽完後都冇嘢講唯有乖乖聽Midwife指示, 2日後自動出現兒童中心飲糖水同抽血.
Midwife千叮萬囑亞太3號晚10後除左水就唔可以進食, 四號朝早都係一樣除左水唔可以進食, 抽血後就要飲糖水之後就要乖乖留係兒童中心兩粒鐘, 兩粒鐘之後再要抽多一次血, 哎呀!!! 亞太聽見Midwife講都頭痛, 仲要係兒童中心呆坐兩粒鐘呢期真係"大檸樂"呀@_@ @_@ @_@
2月2號係亞太第四次同Midwife見面, 都係一般嘅檢查"小猴B"已經有28 Weeks 3 Days, 感謝老天爺"小猴B"成長理想健康, 不過亞太嘅血壓指數始終偏低唔多靚仔, Midwife都係果句要亞太多加留意自己身體狀況.
跟住Midwife就幫亞太檢查量度肚圍, 當然仲有亞太最期待嘅一Part聽"小猴B"嘅心跳聲, 呢種悅耳動人嘅聲音真係令亞太百聽不厭, Midwife話獎勵亞太嘅努力特別為亞太安排左一D嘢, 亞太聽完都知道又係抽血囉.
Midwife話亞太真聰明@_@ @_@, 亞太陀"小猴B"抽血嘅次數亦比之前果三胎多, 曾經仲試過有Midwife突然上門抽血添呀!!! Midwife通知亞太兩日後同一時間番兒童中心抽血, Midwife都未講完亞太就即刻問點解今日唔抽埋血呀???
Midwife話兩日後耍抽四枝血做有關測試, 最重要係獎勵亞太飲糖水, 吓!!! 飲糖水亞太陀之前果三胎都唔洗飲糖水喎!!! Midwife好簡單嘅一個解釋因為妳係一個40歲嘅高齡孕婦, 亞太聽完後都冇嘢講唯有乖乖聽Midwife指示, 2日後自動出現兒童中心飲糖水同抽血.
Midwife千叮萬囑亞太3號晚10後除左水就唔可以進食, 四號朝早都係一樣除左水唔可以進食, 抽血後就要飲糖水之後就要乖乖留係兒童中心兩粒鐘, 兩粒鐘之後再要抽多一次血, 哎呀!!! 亞太聽見Midwife講都頭痛, 仲要係兒童中心呆坐兩粒鐘呢期真係"大檸樂"呀@_@ @_@ @_@
地圖腳
亞太自懷有"小猴B"後就多左一雙美麗嘅"地圖腳", 究竟乜係"地圖腳"呢??? 亞太精心篩選左幾張相同大家分享 :
亞太所謂嘅"地圖腳"其實係靜脈曲張, 睇相片大家可能覺得都唔係咁嚴重啫
有一段時間亞太嘅血管青筋腫脹得好緊要, 用手去捉摸係可以感到凹凸不平感覺都好嚇人, 有時都會覺得雙腳有D痛, 除左有地圖紋情現之外, 有時雙腳又會加插蜘蛛網紋, 總之亞太雙腳都幾恐怖驚人喇.
可能因為懷孕加上胎盤位置比較低, 而且亞太又屬高齡孕婦, 所以陀今胎雙腳嘅靜脈曲張比較嚴重, 所以亞太係去年11月份又被安排到大醫院見顧問醫生, 經顧問醫生檢查後佢建議亞太要穿著以下相片中嘅壓力襪.
亞太著左呢款壓力襪好一段時間雙腳嘅靜脈曲張終有改善, 大家睇見以上嘅相片就係有所改善後影嘅, 未著壓力襪之前亞太雙腳係恐怖倒唔可以見人嘅, 終於明白家中老一輩嘅老人家成日都話有仔要趁嫩生, 的確亞太以40歲高齡再次懷孕所發現嘅問題真係比之前多呀!!!
2016年4月10日 星期日
第三次與Midwife見面
日期 : 2016年1月11號
1月11號亞太準時又番兒童中心同Midwife見面, 都係例行嘅一般檢查"小猴B"成長理想, 不過亞太嘅血壓指數都係偏低唔多靚仔, 所以Midwife再次提醒亞太小心有頭暈現象出現, 如真係有乜唔妥就要盡快聯絡家庭醫生見面.
原本Midwife開始安排亞太聽"小猴B"嘅心跳聲, 不過亞太就攞番醫院嘅邀請信畀Midwife睇, Midwife同亞太講由於胎盤位置偏低, 所以要求亞太去大醫院再照超聲波一次, 如果情況冇任何改變, 亞太今次就唔可以自行生產需要進行剖腹生產.
吓! 亞太當時聽完Midwife講真係頭暈暈, 又話"小猴B"健康成長理想, 咁點解要剖腹生產呀??? 跟住亞太問左個超低能白痴嘅問題, 亞太同Midwife講胎盤低米即係好近產道米可以生得快D囉!!! Midwife話胎盤低如自行生產會大量出血, 對孕婦同胎兒都好危險呀!!!
Midwife話暫時唔洗太過緊張同擔心, 因為有好多例子係生產前胎盤位置又回歸正常, Midwife叫亞太當冇事發生就OK喇唔好小題大作喎! 既然Midwife都咁講亞太只好乖乖聽從專業意見, 況且老天爺一定會為亞太作出最好嘅安排.
跟住Midwife開始幫亞太檢查又要量度個肚圍, 亞太又聽見"小猴B"悅耳動聽嘅心跳聲, "小猴B"已經有25 Weeks 3 Days, Midwife同亞太講"小猴B"個位置係偏低左, 佢叫亞太盡可能唔好太操勞休息多D喎, 亞太天天生活忙碌忙到團團轉, 除左瞓覺果幾粒鐘之外仲邊會有額外休息時間. @_@ @_@@_@
1月11號亞太準時又番兒童中心同Midwife見面, 都係例行嘅一般檢查"小猴B"成長理想, 不過亞太嘅血壓指數都係偏低唔多靚仔, 所以Midwife再次提醒亞太小心有頭暈現象出現, 如真係有乜唔妥就要盡快聯絡家庭醫生見面.
原本Midwife開始安排亞太聽"小猴B"嘅心跳聲, 不過亞太就攞番醫院嘅邀請信畀Midwife睇, Midwife同亞太講由於胎盤位置偏低, 所以要求亞太去大醫院再照超聲波一次, 如果情況冇任何改變, 亞太今次就唔可以自行生產需要進行剖腹生產.
吓! 亞太當時聽完Midwife講真係頭暈暈, 又話"小猴B"健康成長理想, 咁點解要剖腹生產呀??? 跟住亞太問左個超低能白痴嘅問題, 亞太同Midwife講胎盤低米即係好近產道米可以生得快D囉!!! Midwife話胎盤低如自行生產會大量出血, 對孕婦同胎兒都好危險呀!!!
Midwife話暫時唔洗太過緊張同擔心, 因為有好多例子係生產前胎盤位置又回歸正常, Midwife叫亞太當冇事發生就OK喇唔好小題大作喎! 既然Midwife都咁講亞太只好乖乖聽從專業意見, 況且老天爺一定會為亞太作出最好嘅安排.
跟住Midwife開始幫亞太檢查又要量度個肚圍, 亞太又聽見"小猴B"悅耳動聽嘅心跳聲, "小猴B"已經有25 Weeks 3 Days, Midwife同亞太講"小猴B"個位置係偏低左, 佢叫亞太盡可能唔好太操勞休息多D喎, 亞太天天生活忙碌忙到團團轉, 除左瞓覺果幾粒鐘之外仲邊會有額外休息時間. @_@ @_@
亞太被取笑為千億新抱
日期 : 2015年12月13號
12月13號係中文學校搞聖誕聯歡嘅大日子, 一如以往各個家長都會整D美食出席參加呢個聖誕聯歡嘅日子, 有得食有得玩又有獎抽小朋友當然就最開心不過, 亞太準備左兩款甜品帶埋"撥Boot豬"同"小龍B"一齊參加呢個聯歡活動.
場內都有另外兩位家長好似亞太咁懷有身孕, 雖然亞太嘅懷孕期已經過左一半, 但係個肚又唔係太明顯, 霎眼睇落就好似多左個肚腩一樣, 大家就好似發現新大陸一樣, 有好多家長老師都走到亞太身邊七嘴八舌咁問 : 亞太妳係米有左呀??? 妳有左幾耐呀??? 係仔定女呀??? 幾時生呀??? 點解唔聽妳講話有左呀???
老實講亞太其實都唔係好想答佢哋, 因為亞太覺得呢個係亞太嘅私人事, 唔需要敲鑼打鼓四圍唱, 不過基於禮貌唔答唔得, 大家知道亞太懷個男寶寶後, 就取笑亞太好似千億新抱咁, 查實亞太當時都覺得自己好鬼尷尬, 因為畀一大堆人圍住指指點點, 亞太知道有某D人係出自真心去關心亞太, 但亦有部份人係出自八卦心態嚟趁熱鬧.
亞太冇徐小姐咁幸福嫁個有錢人, 有個擁有雄厚家財嘅老爺, 不過講真亞太唔會妒嫉羨慕, 俗語有句說話 : 落地喊三聲好醜命生成, 當下亞太覺得自己好幸福滿足, 有個愛鍚關心自己嘅老公, 擁有三個精靈活潑頑皮嘅小朋友, 承蒙老天爺嘅厚愛眷顧腹中懷有一個"小猴B".
今天亞太得到嘅已經係比上不足比下有餘, 亞太唔係一個貪心嘅人能擁有就要珍惜感恩, 正如之前亞太都講過此刻乎復何求!!! 每個人嘅價值觀都唔同有人力爭上游, 有人選擇平靜安穩, 亞太選擇做後者做一個滿足感恩嘅快活人.
不過自聖誕聯歡會後直到今日都仲有部份家長繼續取笑亞太為千億新抱, XYZ... XYZ... 真係吹Q賬呀!!!
12月13號係中文學校搞聖誕聯歡嘅大日子, 一如以往各個家長都會整D美食出席參加呢個聖誕聯歡嘅日子, 有得食有得玩又有獎抽小朋友當然就最開心不過, 亞太準備左兩款甜品帶埋"撥Boot豬"同"小龍B"一齊參加呢個聯歡活動.
場內都有另外兩位家長好似亞太咁懷有身孕, 雖然亞太嘅懷孕期已經過左一半, 但係個肚又唔係太明顯, 霎眼睇落就好似多左個肚腩一樣, 大家就好似發現新大陸一樣, 有好多家長老師都走到亞太身邊七嘴八舌咁問 : 亞太妳係米有左呀??? 妳有左幾耐呀??? 係仔定女呀??? 幾時生呀??? 點解唔聽妳講話有左呀???
老實講亞太其實都唔係好想答佢哋, 因為亞太覺得呢個係亞太嘅私人事, 唔需要敲鑼打鼓四圍唱, 不過基於禮貌唔答唔得, 大家知道亞太懷個男寶寶後, 就取笑亞太好似千億新抱咁, 查實亞太當時都覺得自己好鬼尷尬, 因為畀一大堆人圍住指指點點, 亞太知道有某D人係出自真心去關心亞太, 但亦有部份人係出自八卦心態嚟趁熱鬧.
亞太冇徐小姐咁幸福嫁個有錢人, 有個擁有雄厚家財嘅老爺, 不過講真亞太唔會妒嫉羨慕, 俗語有句說話 : 落地喊三聲好醜命生成, 當下亞太覺得自己好幸福滿足, 有個愛鍚關心自己嘅老公, 擁有三個精靈活潑頑皮嘅小朋友, 承蒙老天爺嘅厚愛眷顧腹中懷有一個"小猴B".
今天亞太得到嘅已經係比上不足比下有餘, 亞太唔係一個貪心嘅人能擁有就要珍惜感恩, 正如之前亞太都講過此刻乎復何求!!! 每個人嘅價值觀都唔同有人力爭上游, 有人選擇平靜安穩, 亞太選擇做後者做一個滿足感恩嘅快活人.
不過自聖誕聯歡會後直到今日都仲有部份家長繼續取笑亞太為千億新抱, XYZ... XYZ... 真係吹Q賬呀!!!
2016年4月9日 星期六
吓!!! 亞太要照第三次超聲波
日期 : 2015年12月11號
係12月11號亞太又收到郵差叔叔嘅一疊來信, 其中一封係由大醫院寄畀亞太嘅, 當時亞太都覺得奇怪點解又收到大醫院嘅信呢??? 亞太"拿拿淋"拆左封信嚟睇!!! 信嘅內容係再次邀請亞太係2016年3月1號再到大醫院照超聲波.
一般健康正常嘅孕婦只會由Midwife跟進檢查, 而且只有照2次超聲波嘅機會, 即係話唔見婦科醫生, 冇機會照第三次超聲波就係一件好事, 但係點解亞太"無喇喇"又要照第三次超聲波呢???
亞太記得係12月8號照第二次超聲波嘅時候, 護士曾經講過亞太個胎盤位置比較低, 當時亞太都問咁係米好大問題呢??? 不過護士姐姐嘅回答係應該可以問題唔大, 亞太聽見問題唔大都鬆左一口氣, 但係點解又安排亞太照第三次超聲波喎!!!
狂躁先生叫亞太唔好自己嚇自己, 可能只係程序上嘅需要, 老公話如果係有乜唔妥亞太已經一早安排要見婦科醫生或顧問, 狂躁先生叫亞太下次見Midwife嘅時候, 就知會Midwife要照第三次超聲波嘅事, 睇下Midwife有乜嘢專業意見喎.
係12月11號亞太又收到郵差叔叔嘅一疊來信, 其中一封係由大醫院寄畀亞太嘅, 當時亞太都覺得奇怪點解又收到大醫院嘅信呢??? 亞太"拿拿淋"拆左封信嚟睇!!! 信嘅內容係再次邀請亞太係2016年3月1號再到大醫院照超聲波.
一般健康正常嘅孕婦只會由Midwife跟進檢查, 而且只有照2次超聲波嘅機會, 即係話唔見婦科醫生, 冇機會照第三次超聲波就係一件好事, 但係點解亞太"無喇喇"又要照第三次超聲波呢???
亞太記得係12月8號照第二次超聲波嘅時候, 護士曾經講過亞太個胎盤位置比較低, 當時亞太都問咁係米好大問題呢??? 不過護士姐姐嘅回答係應該可以問題唔大, 亞太聽見問題唔大都鬆左一口氣, 但係點解又安排亞太照第三次超聲波喎!!!
狂躁先生叫亞太唔好自己嚇自己, 可能只係程序上嘅需要, 老公話如果係有乜唔妥亞太已經一早安排要見婦科醫生或顧問, 狂躁先生叫亞太下次見Midwife嘅時候, 就知會Midwife要照第三次超聲波嘅事, 睇下Midwife有乜嘢專業意見喎.
第二次與小猴B見面
日期 : 2015年12月8號
12月8號係亞太第二次被安排照超聲波嘅日子, 送左小公主同撥Boot豬番學之後, 亞太, 狂躁先生&"小龍B"就出發去大醫院, 登記後亞太好快就安排入房照超聲波, 今次照嘅時間比較耐因為要照"小猴B"嘅結構有冇問題.
謝過老天爺"小猴B"各方面都好好完全冇問題, 亞太同狂躁先生透過儀器見到"小猴B'非常活躍, 不停咁郁手踢腳非常百厭呢!!! "小猴B"被推算20 Weeks 3 Days, 時間都過得好快亞太嘅懷孕期已經過左一半喇!!!
剩番落嚟嘅20個星期懷孕期, 亞太真係要好好咁去感受, 因為今次係亞太最後一次懷孕喇!!! 亞太要好好去感受胎動嘅奇妙感覺, 要享受每次見Midwife嘅時候聽"小猴B"悅耳嘅心跳聲, 呢種奇妙, 幸福, 滿足嘅感覺, 真係要經歷懷孕嘅過程先可以深深咁體會到, 所以亞太一定會好好珍惜剩番落嚟嘅懷孕旅程.
護士姐姐好好人佢主動話畀亞太同狂躁先生知"小猴B"係一個男孩兒, 亞太當時聽見都非常開心同感恩, 呢胎我同老公都希望係一個仔因為可以同"小龍B"做伴, 結果我倆公婆又得常所願, 亞太再次為夫家多添一個男寶寶相信奶奶就最開心.
12月8號係亞太第二次被安排照超聲波嘅日子, 送左小公主同撥Boot豬番學之後, 亞太, 狂躁先生&"小龍B"就出發去大醫院, 登記後亞太好快就安排入房照超聲波, 今次照嘅時間比較耐因為要照"小猴B"嘅結構有冇問題.
謝過老天爺"小猴B"各方面都好好完全冇問題, 亞太同狂躁先生透過儀器見到"小猴B'非常活躍, 不停咁郁手踢腳非常百厭呢!!! "小猴B"被推算20 Weeks 3 Days, 時間都過得好快亞太嘅懷孕期已經過左一半喇!!!
剩番落嚟嘅20個星期懷孕期, 亞太真係要好好咁去感受, 因為今次係亞太最後一次懷孕喇!!! 亞太要好好去感受胎動嘅奇妙感覺, 要享受每次見Midwife嘅時候聽"小猴B"悅耳嘅心跳聲, 呢種奇妙, 幸福, 滿足嘅感覺, 真係要經歷懷孕嘅過程先可以深深咁體會到, 所以亞太一定會好好珍惜剩番落嚟嘅懷孕旅程.
護士姐姐好好人佢主動話畀亞太同狂躁先生知"小猴B"係一個男孩兒, 亞太當時聽見都非常開心同感恩, 呢胎我同老公都希望係一個仔因為可以同"小龍B"做伴, 結果我倆公婆又得常所願, 亞太再次為夫家多添一個男寶寶相信奶奶就最開心.
亞太同狂躁先生能夠擁有兩個"好"字, 兩個女兩個仔真係乎復何求!!! 亞太兩公婆真係衷心感謝老天爺嘅安排, 厚愛同眷顧, 感恩, 感恩同感恩.
訂閱：
文章 (Atom)