簡單炒飯

炒飯真係一個非常百搭嘅煮法, 既可以用高級食材去炒一碟係酒樓要收幾百個大洋一碟嘅飯, 又可以用最簡單嘅食材去炒一碟令人回味嘅飯總之豐儉由人.

亞太今日就同大家分享一個簡單炒飯 :

材料 : 午餐肉 / 蝦仁 / 雞蛋 / 蔥 / 飯

調味料 : 鹽 / 胡椒粉 / 美極醬油 / 麻油

蛋汁調味料 : 魚露 / 胡椒粉 / 麻油

午餐肉 / 蝦仁 / 蔥切粒

雞蛋打入碗中 / 加入適量(蛋汁調味料)後 搞勻備用

白飯可以用微波爐加熱至八成備用

先將雞蛋以平底鑊炒成蛋花備用

鑊加熱後倒入適量油爆香午餐肉

再放入蝦仁 / 蔥花

放入適量鹽花 / 胡椒粉炒勻

將加熱至八成嘅白飯倒入 / 再灑適量鹽花 / 美極醬油炒勻

將飯炒至乾身後倒入蛋花 / 加入適量麻油就可上碟

超簡單又好味 - 讚呀!!!

P.S. 大家如果鍾意可以將蛋汁直接落鑊連同飯炒成粒粒黃金飯, 不過我家二千金對雞蛋過敏, 所以亞太多數將雞蛋炒成蛋花, 飯炒好後留一份畀二千金, 最後再加入蛋花撈勻炒飯上碟.