分享完燒肉食譜後, 當然就輪到叉燒喇>_<
材料 : Port steak (亞太係西超買)
醃料 : 叉燒醬 / 生抽 / 老抽 / 胡椒粉 / 蒜頭粉 / 酒 / 茄汁 / 蜜糖
Pork steak 洗乾淨放入筲簊隔水
將所有醃料撈勻
將Pork steak印乾水放入醃料醃一晚
用Pork steak焗出嚟叉燒帶夾口 - 正
- 亞太用180度火力每邊焗12分鐘
2015年8月31日 星期一
脆皮燒肉 @ 08/08/15
亞太有好幾個方法去焗燒肉, 當中有一個係做大廚級嘅Uncle教嘅其中一個方法, 由於做法比較複習加上未得當時人同意, 所以亞太唔方便同大家分享, 亞太向來做煮飯工作嘅首要條件係快, 靚, 正. 當然"平"係核心主幹喇>_<.
快, 靚, 正 - 今日就等亞太同大家分享一個比較快同易處理嘅方法去焗燒肉.
材料 : 豬腩
醃料 : 五香粉 / 鹽 / 蒜頭粉 / 胡椒粉 / 沙薑粉 / 花椒粉 / 酒
豬腩洗乾淨用筲簊隔水 / 用豬針插落豬皮 / 用刀係豬腩位切幾下
用豬針插落豬皮
用一個碗將調味料撈勻
首先用廚房紙巾將豬腩印乾水
用刀係豬腩位切幾下
落適量嘅酒先醃豬腩位10分鐘
&
10分鐘後將所有調味料"茶勻"係豬腩
將豬皮反轉向上再用廚房紙巾印乾水份
將適量嘅鹽平均灑係豬皮上面
&
唔洗落保鮮紙放入雪櫃
豬腩放入焗爐前先將所有鹽抹走
再用廚房紙巾將水份抹乾
倒幾迪油落豬皮面"卒勻"後就可放入焗爐
P.S. 如果隔晚就將豬腩醃就可以等翌日先放鹽係豬皮面, 如果係即日醃即日焗就可以直接落鹽係豬皮面否則豬皮會偏鹹, 豬腩至小要醃六粒鐘否則會唔夠入味.
- 焗爐預先要加熱 / 按個人嘅焗爐火力去調較度數同時間.
2015年8月23日 星期日
亞太新煮意 - 2
上次亞太胡裡胡塗攪左個新煮意出嚟煮魚魚, 原來個效果又幾好食喎連狂躁先生都話味道唔錯好食, 既然有人捧場亞太又嚟攪攪震喇>_<
材料 : 牛筋 / 蒜頭 / 薑 / 香茅 / 蕃茄 / 洋蔥 / 西芹 / 紅蘿蔔
調味料 : 水 / 魚露 / 茄汁 / 砂糖 / 喼汁 / 鹽 / 酒 / 麻油
蒜頭 / 薑 / 香茅 / 蕃茄 / 洋蔥 / 西芹 / 紅蘿蔔- 洗乾淨後切件
處理牛筋步驟 :
- 牛筋洗乾淨用筲簊隔水
- 煲一煲水水滾後放入牛筋大火焯五分鐘, 將熱水倒去再以涷水沖洗乾淨
- 用一個煲抹乾水後落適量嘅油加入薑片將個煲加熱, 爆香薑片後即落入已煲滾嘅熱水然後放入牛筋
- 用大火將牛筋煲15分鐘蓋上煲蓋然後熄火, 個煲依然留係爐面上面唔好移動
-大約45分鐘後開火將個煲加熱, 當水滾後又用大火將牛筋煲半粒鐘蓋上煲蓋然後熄火, 個煲依然留係爐面上面唔好移動.
- 如是者重複以上動作幾次直至牛筋焗淋
- 當牛筋焗淋後用涷水沖洗後再浸涷水15分鐘
亞太只可以用文字寫出點樣處理牛筋過程, 生活係異地好難買到新鮮牛筋, 所以當買到新鮮牛筋嘅時候, 亞太都會一次過整三至五次嘅份量然後放回冰櫃, 由於係存貨所以唔可以提供相對照.
亞太用呢個方法處理牛筋雖然時間長, 但係可以慳番一D電費(因為亞太個煮食爐係電爐), 如果大家有壓力煲可以用壓力煲去處理牛筋可以慳番D時間.
涷鑊落油加入薑片 / 蒜片開火將鑊加熱
爆香薑片 / 蒜片後
&
加入蕃茄 / 洋蔥 / 西芹 / 紅蘿蔔 / 香茅 / 灑入鹽花炒勻
加入牛筋係鑊邊灑入酒炒勻
加入適量水 / 魚露 / 茄汁 / 喼汁 /
&
蓋上鑊蓋用中大火燜10分鐘
加入蕃茄 / 砂糖蓋上鑊蓋用中大火燜5分鐘
&
將汁收至理想杰度後加入適量麻油撈勻就完成
大女要求多汁因為要嚟撈飯 - 正
2015年8月22日 星期六
亞太新煮意 - 1
亞太見條魚好似唔多精神靚仔, 如果蒸或煎我怕家中兩位公主會有意見, 要諗下計仔點樣煮先至得, 快快脆摷下個雪櫃有乜料先!!!
材料 : 蕃茄 / 鹹菜 / 香茅 / 莞荽 / 薑 / 紅蔥頭 / 不知名魚一條
調味料 : 水 / 魚露 / 茄汁 / 砂糖 / 喼汁 / 麻油
魚洗乾淨用筲簊隔水5至10分鐘 / 之後灑入適量鹽花醃魚
蕃茄 / 鹹菜 / 香茅 / 莞荽 / 薑 / 紅蔥頭 - 洗乾淨後切件
鑊加熱後落適量嘅油 / 放入薑片爆至微黃色
&
用中大火將兩邊魚煎至金黃色-(八成熟)
涷鑊落適量油加入蔥頭片開火將鑊加熱
當蔥頭片爆香後加入鹹菜炒勻
加入蕃茄炒勻
加入香茅炒勻
加適量水 / 魚露 / 茄汁 / 砂糖 / 喼汁
&
蓋上鑊蓋用中大火焗5分鐘
加入煎至八成熟嘅魚
&
再蓋上鑊蓋用中細火焗5分鐘
最後加入莞荽 / 適量麻油炒勻就可上碟
呢碟就係亞太新煮意喇
原來凡事都唔可以睇表面呀! 亞太買左條魚隔左一日先煮, 當係雪櫃攞條魚出嚟嘅時候覺得條魚好似唔多精神靚仔, 仲要學人攪攪新煮意去KO條魚, 不過原來條魚仲好鮮甜D肉仲好結實, 亞太真係膚淺呀!!!
簡單炒羊肉
羊肉唔係亞太柸茶, 不過我家成員就好Like羊肉, 雖然我自己唔食不過我都會整畀我班愛人食.
材料 : 羊肉(亞太今次選用羊柳) / 薑 / 蒜頭 / 莞荽
羊肉醃料 : 生抽 / 鹽 / 胡椒粉 / 蒜頭粉 / 酒 / 孜然粉 / 砂糖 / 生粉
調味料 : 酒 / 砂糖 / 麻油
羊肉洗乾淨用廚房紙巾印乾水後切片 / 加入羊肉醃料至小醃半兩粒鐘(醃嘅時間越耐就令羊肉更入味)
薑 / 蒜頭 / 莞荽 - 洗乾淨就分別切片同切小段
涷鑊落油加入薑片 / 蒜片開火將鑊加熱
當爆香薑&蒜片後加入羊肉用中大火煎
繼續用中大火煎另一面嘅羊肉
將羊肉煎至八成熟係鑊邊灑入酒 / 加入適量砂糖 / 莞荽炒勻
&
蓋上鑊蓋用大火焗一分鐘 / 上碟前加入麻油炒勻
三父女至愛餸菜之一
訂閱：
文章 (Atom)