11月17號星期二係亞太第二次同Midwife見面, 都係一般嘅例行檢查"小猴B"被推算有17 Weeks 3 Days, 亞太嘅妊娠反應雖然唔係太嚴重, 不過食得好差同瞓得唔好, 可能同年紀大有關所以血壓指數都好低唔多靚仔, Midwife千叮萬囑亞太要注意自己, 有乜頭暈唔妥就即刻搵家庭醫生.
係大不列顛睇婦科同香江係唔同嘅, 只要孕婦同BB係健康冇其他問題係唔需要見婦科醫生, 亞太生小公主, 撥Boot豬同"小龍B"一直都係見Midwife, 即使到產生嘅時候都係由Midwife同亞太接生, 如果要見婦科醫生就唔係一件好事, 亞太當年懷有"小寶寶"嘅時候就因出血問題要見醫生, 最後即使亞太幾努力去保住"小寶寶"最終佢都係離開左亞太.
所以亞太今次以40歲高齡再次陀B都米話唔驚, 不過感謝老天爺亞太陀"小猴B"到呢一刻總算順利平安, 而每次見Midwife亞太都好期待聽心跳聲呢一part, 唔知點解聽見肚中塊肉嘅心跳聲, 有一種難以形容嘅幸福滿足嘅感覺.
聽見"小猴B"嘅心跳聲亞太真係感覺自己超幸福, 幸福同幸福, 果種心跳嘅聲音真係好悅耳, 不過亞太比較貪心如果可以聽耐D就更完美喇!!! Midwife同亞太講 : Of course no problem but you need to wait for next appointment at : 11 January 2016 10:00. @_@ @_@ @_@
沒有留言:
張貼留言