驚喜小猴B出現

日期 : 2015年10月20號

係早前亞太收到醫院嘅來信, 邀請亞太係10月20號 - 09:30到醫院做超聲波同抽血測試, 亞太送左小公主同撥Boot豬番學之後, 亞太就同狂躁先生"小龍B"一齊去醫院, 登記後亞太好快就被安排去照超聲波.

亞太好快就透過儀器見到肚中嘅"小猴B"

果刻亞太嘅心情真係非筆墨去形容, 真係發夢都冇諗過自己會再次懷孕會擁有四個小朋友, 總之果刻亞太心情好複雜思緒都好亂, 不過亞太好快又畀係瑩幕上出現嘅"小猴B"吸引住, 護士好詳細同亞太解釋"小猴B"各身體部位.

"小猴B"被推算有 13 Weeks 3 Days, 而且各方面生長發展都正常, 護士主動同我哋講今日照唔倒"小猴B"嘅性別, 以往亞太同狂躁先生都唔太在意係仔定女, 不過今次亞太同狂躁先生都好想知道, 而且都想"小猴B"係個仔因為可以同"小龍B'有個伴.

不過亞太好清楚知道仔女嘅事係冇得強求, 最緊要都係"小猴B"身體健康四肢健全, 仔女嘅事老天爺自會為亞太安排.

照完超聲波後亞太又被安排做抽血測試, 報告將會係10日內以書面形式通知亞太, 希望一切都能夠順利平安, 不竟亞太年紀都唔細今期仲要玩老蚌生珠, 呢期真係"大檸樂"亞太自己都冇眼睇喇!!!