妊娠反應跑了出來

日期 : 9月20號

原本仲有7日亞太就同Midwife見面, 不過亞太唔洗同Midwife見面都已經知道自己肚中已經多左個小生命喇!!! 因為懷孕嘅妊娠反應通通都跑晒出嚟喇, 而最主要原因係亞太嘅奶奶(母乳)已經停止生產, 情況就好似陀住"小龍B"一樣呀!!! (亞太稍後時間將會係亞太懷孕回憶錄, 再分享懷有"小龍B"事件)

亞太嘅妊娠反應雖然唔算太嚴重, 不過頭段時間都唔係咁容易捱過, 最慘係唔知自己有左幾多個禮拜, 仲有要捱多幾多個禮拜先過嘅妊娠反應, 講真呢種生理上嘅改變, 真係神仙都救唔倒亞太, 唯有盡量放鬆心情以積極態度面對.

講真亞太發夢都冇諗過自己會有四個小朋友, 更加冇諗過係呢個年紀仲懷孕, 亞太呢期老蚌生珠真係冇眼睇喇!!!