感謝網友&好友幫忙

某日亞太巡Blog嘅時候係一個網友仔嘅Blog度見到D好靚嘅髮夾, 因為果D髮夾真係好靚同好可愛, 亞太實在抵擋不住果份魔鬼誘惑, 所以亞太就問Blog友仔果D咁靚同咁可愛嘅髮夾可以係邊度買呢??? 亞太非常感謝3K靚媽媽嘅報料!!!

當亞太知道可以係邊度買倒D咁靚同咁可愛嘅髮夾, 就即刻WhatsApp好友JQ小姐幫忙, 請求JQ小姐如果路經報料嘅地方, 就幫亞太買左果D咁靚同咁可愛嘅髮夾, 亞太係3月7號send WhatsApp畀JQ小姐請求幫忙.

效率非常高嘅JQ小姐係3月21號已經通知亞太任務已完成, 3月30號亞太已經收到果D好靚同好可愛嘅髮夾喇, 亞太收到之後真係開心左一整日呀!!! 

亞太嘅驚喜就係呢個盒仔裡面

亞太就係畀呢5隻勁靚同勁可愛嘅髮夾 - 電暈左>_<

另外JQ小姐仲送左以下嘅小驚喜畀小公主 & 撥Boot豬

亞太係呢到再次衷心感謝3K靚媽媽嘅報料, 亦都非常感謝JQ小姐嘅幫忙, 亞太收到髮夾點解會開心左一整日??? 除左係髮夾嘅魔力外, 其實係亞太同JQ小姐果份無價嘅超友誼, 亞太已然係大不列顛生活左10個年頭, 但係亞太仲可以同JQ小姐維繫我倆嘅友誼, 亞太只能夠講我倆嘅友誼真係無價, 能夠擁有一份無價嘅超友誼, 亞太同JQ小姐都會好好珍惜.