無奈的預約

上篇提及過亞太要搵專業人事肯定肚中係米多左個小生命!!! 所以就即刻打電話畀家庭醫生預約見面, 以下係預約對話 :

N = 接電話登記姑娘

T = 亞太

N : XX家庭醫生

T : 早晨呀! 我想預約見家庭醫生

N : 太太請問妳見邊樹唔舒服呢???

T : 我嘅"M小姐"冇出現加上用左棒棒測試, 顯示結果係懷孕

N : 太太請問妳做左幾多枝測呢???

T :  總共做左四枝

N : 請問四枝嘅結果係米一樣呢???

T : 係一樣嘅

N : 請問四枝測試係米同一時間做呢???

T : 唔係四枝嘅測試分左兩日三個時段做

N : 咦!!! 太太妳唔需要見家庭醫生喇, 我係電腦做晒記錄Midwife稍後時間會直接同妳聯絡安排見面

T : 吓!!! 不過我想見醫生喎

N : 太太妳有冇邊樹唔舒服呢, 肚痛, 見紅呀???

T : 咁又冇喎

N : 既然一切正常即係唔需要見家庭醫生喇!!! 妳需要係見Midwife唔係見家庭醫生, 我已經係電腦做左紀錄, 太太妳放心喇Midwife好快會聯絡妳

T : 咁即係幾時呢???

N : 咁呢樣嘢我答妳唔倒喎, 太太總之妳耐心等一下喇, 請問妳仲有冇其他問題呢???

T : 暫時冇

果個接電話登記姑娘聽完亞太嘅回答, 就即刻同亞太講 : 太太請保重再見之後就以光速掛斷電話, 亞太想問多句都冇機會呀!!! XYZ... XYZ...真係激C亞太囉!!!