世風日下

我狂躁靚太自從有左小朋友之後真係冇乜私人空間同時間, 家陣三色台做梗乜嘢好與否嘅劇集, 邊個係新一屆乜姐乜太, 邊個係視后視帝, 歌神歌后亞太我一概唔知, 能夠坐低睇6點半嘅新聞時間已經係N年前嘅事.

電視劇集可以唔睇, 邊個係乜視帝歌后可以唔知, 但係亞太我唔想連一D生活時事新聞都唔知, 所以我會利用餵仔食奶嘅時間用手機上網睇新聞咁都可以略知一二. 

係未入今日嘅正題前, 首先我想同大家分享一下我曾經見過一則方唐嘅新聞, 方唐嘅男人主角生活於美國某個省份, 據報導呢對方唐男女主角係唔認識對方, 唔知點解佢哋突然間係一時裝店門前上演一幕三級真人show (結果當然驚動警方).

當時亞太我睇完呢則新聞後我個人感覺, 就係西方人嘅思想確係比較開放不驅小節.

以下呢則新聞就係我琴晚半夜餵仔食奶時睇倒嘅, 見倒個標題同張相真係令人嘩然世風日下.

其實早係二月份時亞太我就見過一則類似嘅新聞, 一對情侶竟然係新浦崗某老人院門前上演一幕三級真人show, 當時只報導新聞內容並冇刊登任何相片感覺好似冇咁驚嚇, 不過琴晚我睇完以上相片同報導內容後, 亞太有以下幾個疑問???

究竟係米時代唔同左, 大家對性嘅態度都唔同???

究竟係米因為房屋居住問題, 而另某D情侶夫婦唔可以正常咁享受性生活???

究竟係米大家都覺生活壓力太大需要尋求其他新刺激發洩呢???

既然亞太今日同大家吹水, 首先大家唔好因為尷尬而避諱去講呢個問題, 當然首要條件係態度要正確, 一對夫婦有性生活絕對係理所當然嘅事, 同居男女嘅情侶有性行為亦屬正常, 如果一對情侶同居生活話冇性行為講都唔會有人信喇! (亞太我唔係鼓吹同居生活呀!!! 大家千萬唔好誤會呀!!!).

以上新聞嘅男女主角據報導年齡係20歲, 係理工大學接受高等嘅教育係未來社會嘅棟樑, 不管有冇受酒類飲品影響, 何解會係公眾地方做出一D咁方唐嘅事, 事後仲可以理直氣壯地說 : (我不太記得, 沒有做呀! 我記得只是親熱了一下).

家陣10個人當中就有九個人會擁有一部智能手機, 將生活所見嘅奇聞奇事拍低擺上互聯網公諸同好分享已經成為生活文化之一, 米以為做左冇人知分分鐘已經當上主角而且仲擁有強勁嘅點擊率呀!!!

亞太奉勸各位年青人凡事三思而後行呀!!! 雖則話性行為性生活係正常事, 但係唔等於可以胡天胡帝任意妄為, 身體發膚受諸父母, 為人母親嘅我子女嘅一條頭髮我都視如寶, (大家可能會話洗唔洗講到咁誇, 如果您有咁嘅諗法理由只有一個, 因為您仲未"升呢"為人父母).

將父母給自己嘅寶貴身軀公諸於世再加演方唐嘅事情, 父母看在眼裡會有多傷心的痛, 有D事情可一不可再呀! 除時仲可能需要負上法律嘅責任呀! 希望藉此一事亦都畀其他年青們一個借鏡 凡事三思而後行.