西洋菜陳腎湯

嘩! 亞太我既然自家醃製左成堆陳腎, 咁啱屋企仲有幾包西洋菜乾, 冰櫃仲有已經出好晒水嘅雞殼, 咁仲等乜呢??? "拿拿淋"煲番個西洋菜陳腎湯一家歎下喇!

材料 : 西洋菜乾一包 / 蜜棗 / 南杏 / 北杏 / 自家陳腎 / 雞殼

水滾將以上材料全部放入以中慢火煲半粒鐘

半粒鐘後將火調較至細火再煲兩粒鐘

嘩咁快亞太靚湯就完二成!

狂躁先生話呢煲湯值85分, 當然冇可能同用新鮮西洋菜, 南貨店買嘅陳腎材料做比較, 不過人在異鄉能夠飲用一碗, 比上不足比下有餘嘅西洋菜湯陳腎湯, 感覺都好滿足了.