家常便飯 @ 11/4/15

是日狂躁之家的家常便飯 :

煎豬扒

煎Dover Sole

XO醬雜菌炒西蘭花

帶子蒸豆腐

令亞太瘋狂的紅Label

如果有睇開亞太個Blog嘅人都知道亞太除左鍾意執黃Label食品之外, 亦都中鍾意執紅Label嘅減價衣服, 老實講小朋友嘅衫褲鞋襪冇減價係好貴, 家上亞太仲有三個小朋友添, 如果唔買特價衣衫個銀包真係會好吃力呀!

所以每次亞太見到有紅Label減價衫褲兩眼就會放光的, 呢期唔知做乜鬼撞啱幾間西超都做梗紅Label減價衫褲, 亞太今次都幾好成績都執左一大堆雖然慳唔小, 不過同一時間買左咁多亞太個銀包都添左唔小壓力呀!!!

快D睇下亞太嘅成績喇

套裝衫褲原價€9.00 / 減至€6.00

套裝衫褲原價€12.00 / 減至€6.00

綿質長厚衫原價€6.00 / 減至€3.00

短袖連身裙原價€5.00 / 減至€3.00

綿質長薄衫三件原價€6.00 / 減至€3.00

綿質長薄褲2條原價€10.00 / 減至€4.99

綿質長厚褲原價€6.00 / 減至€2

綿質長薄褲原價€4.50 / 減至€1.00

綿質長薄衫原價€4.50 / 減至€2.00

綿質長薄褲2條原價€6.00 / 減至€3.00

綿質長薄褲2條原價€6.00 / 減至€3.00

綿質長薄褲2條原價€6.00 / 減至€3.00

長冷衫原價€18.00 / 減至€2.00 (呢件超筍平到冇朋友)

綿質長薄衫四件原價€12.00 / 減至€6.00

綿質長薄褲原價€4.00 / 減至€2.00

以上嘅衫褲原價要€115找數 / 經紅Label減價後亞太只係花左€49.99就買倒喇, 真係爽到冇朋友呀!

美中不足係冇平價衫褲買畀小龍B, 下次再撞到減價嘅時候就要幫亞仔大手入貨喇>-<

家常便飯 @ 10/04/15

是日狂躁之家的家常便飯 :

豉汁蒸魚

白切雞

蒜蓉 & XO醬蒸粉絲

蒜蓉炒菜芯

P.S. 小公主要食XO醬蒸蝦, 撥Boot豬要食蒜蓉蒸蝦, 蒸晒兩種味道冇投訴喇>_<

家常便飯 @ 09/04/15

是日狂躁之家的家常便飯 : 

焗蒜蓉飽

蒜片炒露荀

蒜香火腿絲意粉

P.S. 大家米以為亞太打斧頭呀!!! 只係前一晚即4月8號我哋一家走左去食自助晚餐, 食到飽飽濟濟所以是日就食得簡單D囉>_<

家常便飯 @ 07/04/15

是日狂躁之家的家常便飯 :

青蒸Dover Sole

炆牛腩

魚片炒青瓜

煎Dover Sole

P.S. 點解會有兩條Dover Sole唔同嘅煮法呀??? 因為小公主要食煎撥Boot豬要食蒸, 咁亞太我米要做多重功夫囉.

朱古力蛋@2015

每年一到復活節我家就會收到好多朱古力蛋, 以前得小公主一個小朋友所收到嘅朱古力蛋都可以接受, 後尾又多左一個撥Boot收到嘅朱古力蛋就會乘2, 後尾又加多左一個小龍B朱古力又乘3咁收, 試過一個復活節家中有接近30隻朱古力蛋, 呢個數字都頗驚人呀!!!

米以為亞太只有入冇出呀!!! 每年亞太都送唔小朱古力蛋畀人呀! 而且數字亦唔會小其實等同交換朱古力蛋, 後尾亞太就同D同聲同氣嘅朋友(中國人)講 : 有心就行喇先唔講要花錢去買朱古力, 最主要原因係咁多朱古力今本冇可能食得晒, 最後又要益大口仔其實真係好浪費.

有D朋友都覺得亞太有道理所以都交換小左朱古力, 不過有部份朋友依然堅持送朱古力蛋, 因為佢哋覺得一年只有一次佢哋想D小朋友開心, 所以佢哋唔計較花錢去買朱古力蛋或者食唔食得晒, 既然佢哋有咁嘅決定我都會尊重佢哋.

至於西人嘅朋友亞太從來都唔敢講話有心就得呢句說話, 因為咁講佢哋會覺得好冇禮貌, 加上呢個係西人嘅節日, 我冇可能咁唔尊重人家嘅傳統, 至於小朋友們今年所收嘅朱古力蛋成績都比往年小喇! Yeah!!!

以下三隻朱古力係小型復活節活動嘅獎品

我區復活節小型活動 @ 2015

四月十號亞太啱啱忙碌完小朋友午餐嘅時候, 正準備到自己都歎番個午餐嘅時候就接到朋友"Y"嘅電話 :

亞太 : 喂!!!

Y : 亞太妳係咪係屋企???

亞太 : 係

Y : 快D帶埋小朋友嚟公園, 參加遊戲攞朱古力同大抽獎, 快D出嚟我係公園等妳!

亞太 : ??? (因為亞Y一講完以上說話就收線)

亞太我都未知發生乜事, 只知亞Y叫我快D去公園. (亞太家對面有一個好大同好乾淨嘅公園)

亞太唯有"拿拿淋"三扒兩撥食完我個午餐, 就帶埋小朋友們去公園, 一入公園冇耐就見到亞Y一家六口, 亞Y話帶小朋友去前面報名玩遊戲同參加大抽獎, 亞Y話佢四個小朋友已經攞左獎品喇, 聽完亞Y講我就帶住小朋友們去報名.

原來個遊戲係要跟指示去唔同嘅位置搵答案, 到最後一個位置就可以攞到一張有顏色嘅卡, 咁就完成個遊戲可以得到一盒復活朱古力蛋同一隻小兔仔朱古力, 由於亞仔一去到公園已經失控 要去玩, 所以亞Y就幫我帶小公主同撥Boot豬去玩.

但由於有15個位置要完成加上公園都幾大, 小姐們個心又想同個細佬玩, 最後只完成左五個位置, 後尾我就同小姐們講既然搵唔晒又想係公園玩咁就算喇, 不過我哋都要將D筆同問題紙交番畀D姐姐.

當我哋行去交還嘅時候個姐姐就問小公主係米完成, 小公主好無耐就搖頭示意冇, 可能個姐姐見到亞仔彆扭我冇可能帶住小姐們去完成呢個遊戲, 呢位姐姐好好人佢同小公主講 : 佢會問一個問題只要小公主問啱就可以攞禮物.

呢三盒朱古力蛋就係禮品喇 

原本仲有三隻可愛嘅小兔仔朱古力, 不過小朋友們已經即場食左, 無緣影張相做個紀念.

三點鐘就進行大抽獎

我哋冇畀幸運之神抽中亦冇任何失落感, 我同小姐們講 : 我哋冇完成個遊戲都能夠有三隻朱古力蛋其實已經等同抽到大獎, 我哋應該時時記住"知足常樂".

臘腸炒薯絲

材料 : 薯仔 / 臘腸 / 蒜頭

調味料 : 鹽 / 雞粉 / 糖 / 麻油

薯仔先切薄片再切絲 / 薯絲要浸水洗去澱粉質

臘腸切幼條 / 蒜頭剁蓉

涷鑊涷油(小油) - 加入蒜蓉臘腸以中慢火爆香

爆到臘腸開始出油嘅時候 / 加入薯絲炒勻

薯絲炒至軟身時加入適量嘅鹽同雞粉

上碟前再落適量嘅糖 / 係鑊邊灒適量麻油炒勻

簡單容易嘅炒薯絲就完成

P.

燒賣

材料 : 豬肉 / 蝦仁 / 冬菇 / 雲吞皮

醃料 : 生抽 / 蠔油 / 鹽 / 糖 / 胡椒粉 / 蒜頭粉 / 雞粉 / 水

豬肉洗乾淨用廚房紙巾抹乾水切粒再剁爛 / 蝦仁, 冬菇切細粒

用一個大碗將以上材料放入後加入醃料, 以順時針方向攪勻至起膠, 完成後放入雪櫃雪半粒鐘

準備雲吞皮等半粒鐘後就可以開工包燒賣

亞太我唔係大師傅, 求奇包到似個型就算喇

大火蒸12分鐘後香噴噴嘅燒賣就完成喇

P.S. 以前亞太我整燒賣會將雲吞皮裁剪到圓形, 後尾我覺得反正都係整嚟自己家庭食, 所以唔需要太在意美觀, 而且裁剪後剩出嚟嘅雲吞皮又要益大口仔實在太浪費喇, 如果大家想美觀感靚D可以將皮裁剪至圓形.

黃Label @ 31/3/15

亞太又執倒即日到期貨品喇! 今次成績都相當唔錯, 又可以為個銀包慳番唔小.

青瓜 & 蔥仔

青瓜由€0.38p / 減至€0.03p

蔥仔由€0.49p / 減至€0.05p

西冷扒 / 排骨 / 豬腿肉

豬腿肉由€11.69p / 減至€2.92p (呢個勁低)

西冷扒由€5.73p / 減至1.43p (呢個都低)

呢個排骨係四月一號到期, 不過唔知點解31號已經複貼上黃Label

排骨由€4.00p / 減至€2.96p