海鮮湯

材料 : 蝦殼 / 蟹殼 / 紅衫魚 / 紅蘿蔔 / 蕃茄 / 豆腐 /黃豆 / 薑片

先將以上材料洗乾淨切件備用

將鑊加熱落油放入薑片將紅衫魚煎至金黃色

用一個湯煲加熱落油一同爆香蝦殼 & 蟹殼

將煎好嘅紅衫魚加入放入即時煲好嘅熱水

用大火煲半粒鐘

半粒鐘後加入紅蘿蔔 / 蕃茄 / 黃豆轉中慢火再煲半粒鐘

半粒鐘後將湯渣同湯分隔

只要湯

再加入豆腐以中慢火滾十分鐘

十分鐘後一碗勁鮮甜嘅海鮮湯就完成

呢碗湯真係勁好味連鹽都唔洗落, 果種鮮甜嘅味道亞太真係唔識形容呀!!!