家鄉煎魚餅

狂躁靚太我呢煮親家鄉炆豆腐卜嘅同日, 就會做埋家鄉煎魚餅做餸, 反正都要剁魚膠淨係用嚟釀豆腐卜一定會有淨, 倒不如刴剁大份D魚膠又可釀豆腐卜仲可以做埋魚餅.

哈哈! 一魚兩食我係米好聰明呢???


材料 : 魚肉 / 菜脯 / 蔥

首先將魚肉剁爛(我選用龍俐魚柳肉), 魚解涷洗淨用廚房紙巾印乾水份刴剁爛至起膠, 將菜脯同蔥切碎加入魚膠放入大碗裡面順時針方向攪勻, 最後當然將魚膠大力撻幾下咁樣D魚膠就會好彈牙喇, 打好嘅魚膠放番入雪櫃儲存. (魚膠醃料 : 白胡椒粉, 麻油, 雞粉)

從雪櫃將魚膠取出將魚膠做成一小個, 放入已燒熱嘅平底鑊慢慢以中小火煎至兩邊金黃色即完成.

簡單容易嘅家鄉煎魚餅完成