南乳雙芹炒鴨片

材料 : 鴨肉 / 西芹 / 芹菜 / 薑片 / 蒜頭 / 莞荽

醃料 : 胡椒粉 / 五香粉 / 生抽 / 老抽 / 麻油 / 糖 /

調味醬料 : 南乳 / 酒 / 糖 / 麻油



鴨肉洗淨切片放入以上醃料至小醃半粒鐘備用

準備炒呢個餸前先要做小小功夫, 首先係要將鴨肉煎至八成熟, 另需要快炒雙芹備用.

落適量嘅生粉"LO"勻鴨肉後跟手即時落鑊煎至兩邊金黃色

將鑊加熱落小小油, 再加入小小鹽花快炒雙芹大約30秒

涷鑊涷油加入薑片蒜頭中慢火加熱 - 小心控制火力

聞到薑片同蒜頭香味就加入南乳炒勻跟手落鴨片, 將南乳同鴨肉炒勻後係鑊邊加入適量嘅酒蓋上蓋焗大約1分鐘

打開蓋子跟手將雙芹, 莞荽加入炒勻, 上碟前再加入適量嘅糖同麻油

家常便飯 @ 23/03/15

是日狂躁之家的家常便飯 :

蒜片炒波菜

糖醋魚柳

點心餸 - 蒜蓉豆豉炆雞腳

點心餸 - 鮮竹卷

老翻辣子炒蟹

中超番左一批新鮮蟹, 畀撥Boot豬見倒佢兩眼放光大叫媽媽我想食蟹呀!!!

我個寶貝女要食喎當然冇問題喇!!!

我買左兩隻蟹決定一蟹兩食>_<

我將蟹箝同部份蟹身 - 做薑蔥炒蟹畀小姐們食

其餘嘅蟹我決定做一個老翻辣子炒蟹畀狂躁先生慢慢歎, 由於我唔記得影相所以大家就想像下個烹煮過程, 下一次我再做呢個老翻餸嘅時候一定會將個過程影低.

材料 : 蟹 / 薑/ 蒜頭/ 洋蔥/ 莞荽/ 乾辣椒/ 花椒

調味料 : 糖 / 酒

醬料 : 辣豆瓣醬 / 麻辣醬

做法 : 蟹洗乾淨放入"筲簊"隔水 / 上一層薄嘅生粉落鑊炸蟹備用 / 起鑊落油爆薑片同原粒蒜頭 - (小心控制火力否則蒜頭好容易燶) 

當聞到一陣一陣薑片同蒜頭香味, 就落埋花椒 / 乾辣椒 / 洋蔥炒勻, 跟手就可以加入適量嘅麻辣醬同豆瓣醬炒勻然後落蟹.

落蟹後快手炒然後係鑊邊倒入大約50ml嘅酒蓋上鑊蓋大約焗一分鐘, 打開鑊蓋加入適量糖快手炒勻上碟, 上碟後擺小小莞荽做裝飾老翻辣子炒蟹就完成喇.

P.S. 由於辣豆瓣醬 / 麻辣醬本身已經係一個重味嘅醬料, 所以炒呢個餸我係冇落鹽因為狂躁之家向來嘅煮食都係偏淡, 大家可按個人嘅口味加減調味料份量.

狂躁先生品嚐後都大讚我老翻煮得同正板出嚟嘅效味道都幾似>_<

家常便飯 @ 20/03/15

是日狂躁之家的家常便飯 :

煎Dover Sole

煎雞蛋

菇菌魚片炒白菜芯

南乳雙芹炒鴨片

豉油蜜糖雞翼

雞翼真係一種百食不厭嘅食品而且煮法又多, 蒸, 炸, 煎, 炆都可以, 又可做冷盆小食等等真係多元化嘅食材呀!!! 今日等我狂躁靚太同大家分享一下我嘅豉油蜜糖雞翼烹煮法.

材料 : 雞翼

醃料 : 胡椒粉/ 雞粉/ 蒜頭粉/ 老抽/ 豉油/ 蠔油/ 酒/ 糖

茨汁 : 醃料汁/ 生抽/ 老抽/ 蜜糖

雞翼洗乾淨放入"筲簊"隔水 / 灑入小許鹽花落雞翼然後"LO"勻 / 大約15分鐘後將以上醃料全部放入雞翼"LO"勻至小醃4粒鐘 - (隔夜醃就更好)

唔洗落油將雞翼煎至兩邊金黃色

醃料雞汁千其唔好倒, 之後加入老抽 / 生抽/ 蜜糖做茨汁

雞翼煎至兩邊金黃色後落茨汁, 大火煮至理想收汁杰度就可上碟

呢個就係亞太嘅美味 - 豉油蜜糖雞翼

溫馨小提示 : 有時因為雞翼多小而餘下嘅醃料汁都有唔同, 唔夠醃料雞汁嘅時候可以加入適量湯匙嘅水再同生抽/ 老抽/ 蜜糖做茨汁. 

家常便飯 @ 19/03/15

是日狂躁之家的家常便飯 :

榨菜雲耳蟲草花蒸雞

青蒸金錢斑

蒜片油鹽水焯雙蔬 - (波菜 & 旺菜)

家常便飯 @ 17/03/15

是日狂躁之家的家常便飯 :

梅菜蒸肉餅

煎紅衫魚

蒜蓉炒波菜

蕃茄煮午餐肉

其實我狂躁靚太認為蕃茄煮蛋先至係一個絕配, 不過由於撥Boot豬對雞蛋過敏, 所以家陣煮蕃茄就要配其他食材喇.

家常便飯 @ 16/03/15

是日狂躁之家的家常便飯 :

蒜香火煺意粉

蒜蓉西蘭花

豉油蜜糖雞翼

家常便飯 @ 13/03/15

是日狂躁之家的家常便飯 :

青蒸鱸魚

魚片炒白菜芯

薑蔥炒蟹

老翻辣子炒蟹 - for 狂躁先生

老翻辣子肥腸

好偶然我哋一家會約埋D親戚或好友去Sheffield逛個圈(一年都應該有一次吧)>_<

每次去我哋都會去一間大眾化嘅茶餐廳食飯, A餐, B餐, 常餐, 特餐, 火鍋, 小菜, 川菜等等, 能夠係大不列國搵到一間咁嘅大眾化茶餐廳, 我狂躁靚太只可以講平, 靚, 正.

每次去呢間餐廳狂躁先生必點辣子肥腸(係川菜), 而肥腸即係豬大腸雖然呢碟餸菜唔係我柸茶, 豬大腸喎我當然唔會食喇! 不過我見狂躁先生食得好滋味喎, 所以我決定老翻一碟畀狂躁先生食.

其實碟肥腸有D乜我係唔知呀! 我只知道有好多辣椒同莞茜係面, 所以我都係亂煮不過出嚟嘅效果, 狂躁先生竟然話比正板更好食更正.

我冇將每個煮嘅步驟影相, 下次再煮嘅時候我會記得每個步驟都影低同大家分享.

材料 : 豬大腸 / 鹹酸菜 / 中國芹菜 / 莞荽 / 薑 / 蒜頭 / 花椒 / 乾辣椒

醬料 : 麻辣醬 / 豆瓣醬 

首先將豬大腸清先出水備用 / 我將豬大腸解涷後用水洗淨, 落生粉同鹽再洗一次, 然後用薑同酒出水, 之後再煲一煲水加入胡椒粒同適量嘅鹽煲豬大腸至腍.

起鑊先爆薑片同蒜頭 / 再落花椒, 麻辣醬, 豆瓣醬 / 爆香料頭後就落鹹酸菜同乾辣椒炒勻 / 跟住就落豬大腸然後係鑊邊贊酒 / 最後加入中國芹菜快手炒起鑊前再落適量嘅糖同麻酒就可以上碟 / 由於醬料可能已經夠味加上豬大腸已經用鹽煲腍, 所以嚟到炒呢個步驟我唔會再落鹽.

呢個就係我狂躁靚太嘅老翻辣子肥腸喇

黃Label @ 22/03/15

馬莎出名賣嘢貴! 食品又確係高層次一等.

以前唔會做即日食品黃Label減價, 不過唔知由幾時開始我竟然見到馬莎都有黃Label出現, 對於我呢D師奶嚟講確係一件大好事.

不過佢嘅減價就未必可以做到其他西超咁減到好平, 所以唔會有太大嘅驚喜不過佢有得減都好過以前咁一仙都唔減.

Yoghurt 原價 €1.00 / 減至 €0.40p 我買左兩pack, 不過我未影相小姐們已經食左一pack

魚柳原價 €4.00 / 減至 €1.20 我又買左兩pack

墨西哥雞卷原價好似係 €2.50 / 減至 €1.05 我買左一盒