我家小公主

亞太好耐都冇係個Blog到講下我深愛嘅寶寶喇!!! 等亞太今日同大家Update下喇, 不過唔Update都唔知原來時間真係過得好快呀!!! 所以大家真係要好好珍惜呀>_<

初初係病虎年代寫Blog同大家分享嘅時候, 我家小公主只有三歲多, 今日我家小公主已經九歲多喇家陣小公主讀梗"Year 4", 年尾將會踏入10歲嘅小公主, 學業成績都算不錯有D小聰明, 除左學校嘅生活之外, 小公主有學跳舞, 學拉小提琴, 參加小女童軍同番中文學校生活都相當充實, 亞太唔係要做怪獸家長呀!!! 以上嘅課餘學習係小公主自己要求呀!!!

至於性格方面當然仲有改善嘅空間, 因為小公主由細開始都有D小姐脾氣, 加上逐漸長大有自己嘅思想判斷, 有時都會駁嘴唔聽亞太枝笛呀!!! 亞太都知道冇十全十美嘅事, 唯有再畀時間好好教導小公主, 令我家大小姐有更多進步改善嘅空間.