是日狂躁之家的家常便飯 :
青蒸拖拔魚
豆豉涼瓜炒牛肉
蜜汁雞冀
油鹽水焯旺菜
2015年7月27日 星期一
亞太回歸
哈哈!!! 亞太我又潛左水一段時間, 今次亞太又為乜要潛水呢??? 因為亞太個愛人(狂躁先生)個媽打嚟左大不列顛探我哋一家, 奶奶對上一次嚟探我哋已經係12年嘅事, 難得奶奶佢老人家山長水遠嚟探我哋狂躁之家, 加上奶奶今次只係住七個禮拜多D幾日嘅時間, 所以亞太我梗係要好好享受同奶奶一齊生活嘅時間喇.
更開心嘅事係大姑奶同二姑奶今次陪埋奶奶一齊嚟探我哋, 由於要工作嘅關係大姑奶同二姑奶只係住左一個禮拜就走, 雖然只係一個禮拜比較短嘅時間, 但係每一日大家都係開心同滿足嘅, 而且我哋一家仲去左一個Trip添遲D再同大家分享.
快樂嘅時間過得特別快, 奶奶已經番左香港三個禮拜, 小姐們都已經開始6個禮拜嘅Summer holidays, 亞太都要重申回到自己嘅工作崗位喇>_<.
更開心嘅事係大姑奶同二姑奶今次陪埋奶奶一齊嚟探我哋, 由於要工作嘅關係大姑奶同二姑奶只係住左一個禮拜就走, 雖然只係一個禮拜比較短嘅時間, 但係每一日大家都係開心同滿足嘅, 而且我哋一家仲去左一個Trip添遲D再同大家分享.
快樂嘅時間過得特別快, 奶奶已經番左香港三個禮拜, 小姐們都已經開始6個禮拜嘅Summer holidays, 亞太都要重申回到自己嘅工作崗位喇>_<.
亞太都有收穫
亞太我唔係吹水我已經超過三年冇買過一件新衫褲, 我呢D湊仔婆唔需要有大量嘅衫褲鞋襪, 夠著已經足夠喇, 即使有靚衫褲對亞太我嚟講都係得物無所用, 唔通著住套套裝踩對高爭鞋去湊女番學, 去行超市, 逛街市買餸咩! 加上亞太絕對唔係一個貪靚嘅人, 只要著得舒服自然就最啱我.
亞太我大部份嘅衫褲都著左超過好幾年簡直係超值呀!!! 不過有時都唔可以太過份黑色著到變灰色, 藍色又著到變淺藍色, 唔想太過失禮所以亞太最近都買左幾件特價衫替換.
亞太我大部份嘅衫褲都著左超過好幾年簡直係超值呀!!! 不過有時都唔可以太過份黑色著到變灰色, 藍色又著到變淺藍色, 唔想太過失禮所以亞太最近都買左幾件特價衫替換.
呢件黑衫原價€20 / 減到半價€10 / 最後再減到€5.00
呢件灰色童裝衫(又啱亞太我著)原價€12.50 / 減到€6.00
呢件藍色馬莎貨原價€15 / 最後減到€2.90 - 超讚呀!!!
10幾鎊就有3件衫真係抵呀!!! 亞太我又可以幾年唔洗買衫喇>_<.
訂閱：
文章 (Atom)